Aýa raıy
Astana 5 °S
Almaty 7 °S
valıýta baǵamy
USD 388.96
EUR 432.21
RUB 6.09
CNY 54.99

Olımpıada joldamasyn ıelengen Dilmuhamedov álem birinshiligin júldesiz aıaqtady

2019 jyldyń 17 qyrkúıek 2019 21:09

NUR-SULTAN. QazAqparat – Búgin elorda tórinde kúres túrlerinen ótip jatqan álem chempıonatynda 77 keli salmaqta Olımpıada 2020 oıyndaryna joldama jeńip alǵan Ashat Dilmuhamedov jarysty besinshi orynmen aıaqtady, dep habarlaıdy QazAqparat tilshisi.

Búgin grek-rım kúresinen 77 keli salmaqta synǵa túsken balýandar arasynda medaldar sarapqa salyndy.

Keshe, ıaǵnı 16 qyrkúıek kúni Ashat jartylaı fınalda majarstandyq Olımpıada oıyndary men álem chempıonatynyń júldegeri Tamash Lorıntske ese jiberip, qola medal úshin beldesý múmkindigine ıe bolǵan. Ókinishke qaraı búgin ol medal úshin talasta ózbekstandyq Jalǵasbaı Berdimuratovtan 1:3 esebimen utylyp jarysty 5-shi orynmen aıaqtady.

Osylaısha, Ashat Olımpıada oıyndaryna joldama alyp, álem chempıonatynda úzdik bestikke endi.

Eske sala keteıik, osyǵan deıin Ashat Dilmuhamedov Olımpıada oıyndaryna joldama jeńip alǵany týraly habarlaǵan bolatynbyz.


Avtor Kúnsultan Otarbaı
Basty sózder: Nur-Sultan, Sport,
Joǵary qaraı