Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Olımpıadalyq irikteý: Sý dobynan Qazaqstan áıelder quramasy alǵashqy jeńisine qol jetkizdi

2021 jyldyń 23 qańtar 2021 21:58

NUR-SULTAN.QazAqparat – Sý dobynan Qazaqstan áıelder quramasy Olımpıadalyq irikteý týrnırinde alǵashqy jeńisine qol jetkizdi, dep habarlaıdy QazAqparat QR Ulttyq olımpıadalyq komıtetiniń baspasóz qyzmetine silteme jasap.

Italııada sý dobynan áıelder komandalary arasynda Olımpıadaǵa irikteý týrnıri ótip jatyr. Búgingi jarys kúni Qazaqstan quramasy Slovakııa komandasymen kezdesip, 11:10 esebimen utty. El quramasy toptyq kezeńde úshinshi orynmen shırek fınalǵa shyqqan bolatyn.

Endi qazaqstandyqtar Izraıl-Frantsııa jubynyń jeńimpazymen kezdesedi.

Aıta keteıik, Qazaqstan áıelder quramasy Nıderlandy qyzdaryna jol berdi. Esep 6:19 (1:5, 2:4, 0:4, 3:6). Qazaqstan quramasynan Aıjan Aqylbaeva, Darıa Roga, Anna Týrova (2), Darıa Mýraveva jáne Anastasııa Eremına mergendik tanytty.

Avtor Qasqyrbaı Qoıshymanov
Basty sózder: Sport,
Joǵary qaraı