Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Olımpıadalyq komanda sportshylaryn qoldaýǵa arnalǵan beınebaıannyń tusaýkeseri ótti

2021 jyldyń 23 shilde 2021 13:54

NUR-SULTAN. QazAqparat – Búgin, 23 shildede, Tokıo Olımpıadasynyń ashylý saltanaty qarsańynda Qazaqstan Ulttyq Olımpıadalyq komıteti olımpıadalyq komanda sportshylaryn qoldaýǵa arnalǵan án men beınebaıannyń tusaýkeserin jasady, dep habarlaıdy QazAqparat Olympic.kz-ke silteme jasap.

«Arnaý» ánine arnalǵan beınebaıanǵa áıgili Roza Rymbaeva, tanymal sazger Renat Gaısın, Ninety One toby, Marsel, Álı Oqapov, Aıdana Medenova, Qaraqat Bashanova, DınaıA jáne Mádı Syzdyqov tústi.

Oǵan negiz retinde Renat Gaısın jazǵan Ulttyq Olımpıadalyq komıtettiń ánurany alyndy, al mátinniń avtory - Mıras Qaldymurat. Ánurannyń qaıyrmasy olımpıadashylarǵa arnaý retinde aıtylady. Odan bólek, «Arnaý» ánin jaryqqa shyǵarýǵa Álı Oqapov, Batyrhan Málikov, Danııar Qulymshın, Azamat Ashmaqyn úles qosty. Al án mátinin Danııar Ótegen, Dýlat Muhametqalıev jáne Alekseı Maklaı jazdy.

Týyndynyń túp maǵynasy árbir atlettiń ómirindegi eń basty qundylyq – olımpıadalyq arman men maqsatqa jeter jolyndaǵy qıyndyqtardy eńserýge negizdeledi.




Ánniń lırıkalyq óńdeýin tanymal mýzykanttar daıyndaǵan. Beınebaıannyń rejısseri –qazaqstandyq Ashat Baıanov.

Vıdeoklıpte ánniń negizi maǵynasy saqtalǵan. Al fonda tanymal qazaqstandyq sportshylardyń jarqyn sátteri beınelenedi. Atap aıtar bolsaq, boksshy Vasılıı Levıttiń jekpe-jegi, Dmıtrıı Balandınniń fınaldaǵy jeńisti sáti, dzıýdoshy Eldos Smetovtiń beldesýinen úzindiler, gımnast Mılad Karımıdiń óner kórsetken sáti, sporttyq quzǵa órmeleýden Rıshat Haıbýllın men boksshy Nadejda Rıabetstiń jattyǵýy, Aleksandr Vınokýrovtyń Olımpıadadaǵy jeńisi men Bekzat Sattarhanovty marapattaý sáti kórinis tapqan.




«Qazaqstandyqtardyń sporttaǵy jetistikteri elimizdiń tarıhyna altyn áriptermen jazyldy. Olar shabyttandyrady, qýat beredi jáne myńdaǵan otandastarymyzdyń maqtanyshyna sebep bolady. Olımpıada oıyndarynyń ashylý saltanaty ótetin kúni biz sportshylarymyzǵa biz árdaıym qoldaıtynymyzdy, jankúıerlerdiń mańyzdy jarysqta máre syzyǵynda daıyn turǵan sportshylardyń árdaıym janynan tabylatynyn jetkizgimiz keledi», - dedi Ulttyq Olımpıadalyq komıteti #teamKZ-tiń «Bir el - bir komanda» ustanymyn eske ala otyryp.

Mýzykalyq týyndy men beınebaıan qazaqstandyq sporttyń dańqyn odan ári asyryp, Tokıo Olımpıadasynan tys kezderde de qoldanylady. Bul el sportynyń ótkeni men búgini jáne úmitke toly bolashaǵyna qatysty týyndy.




23 shilde kúni 2020 jylǵy Olımpıada oıyndarynyń ashylý saltanaty ótedi. Qazaqstan Ulttyq Olımpıadalyq komıteti jankúıerlerdi otandyq sportshylardy eń sońyna deıin qoldaýǵa shaqyrdy.


Basty sózder: Vıdeo, Japonııa, Olımpıada, Sport, Mádenıet,
Joǵary qaraı