Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Olımpıadashylar barlyq nysandarǵa QR kodpen kiredi

2022 jyldyń 28 qańtar 2022 10:29

NUR-SULTAN. QazAqparat - Beıjińde ótetin XXIV qysqy Olımpıada oıyndaryna qatysatyn barlyq atletter sport nysandaryna tek qana QR kod boıynsha kire alady, dep habarlaıdy QazAqparat tilshisi.

Bul týraly UOK sporttyq medıtsına jáne antıdopıng departamentiniń jetekshisi Laýra Ýkbenova málim etti.

Onyń aıtýynsha Beıjińge ushyp kelgen olımpıadashylar qatań tekseristen ótedi. Bul jarysty qabyldaıtyn memlekettiń kovıdke qarsy sharalary bolyp sanalady.

«Olımpıadashylarmen birge Qytaıǵa sporttyq dárigerler de attandy. Olar vırýsty ınfektsııaǵa qarsy emdeý sharalaryn júrgizedi. Oıynǵa qatysýshylar osyǵan deıin mindetti talaptardy saqtady. Ol mindetter ushar aldynda karantınge jatý, kún saıyn vırýsqa test tapsyrý, geolokatsııany baqylap otyratyn mobıldik qosymshany qoldaný. Qatysýshylardyń bári qatań tártipti saqtady. Qytaıdaǵy barlyq olımpıadalyq nysandar QR kod boıynsha kirgizetin bolady», - deıdi Laýra Ýkbenova.

XXIV qysqy Olımpıada 4-20 aqpan aralyǵynda Beıjińde ótedi. Oǵan Qazaqstan quramasynan barlyǵy 34 sportshy qatysady, olar 87 joldama jeńip aldy. Qazaqstandyqtar shańǵy jarysy, frıstaıl akrobatıka jáne mogýl, konkımen júgirý, short-trek, bıatlon, taý shańǵysy, tuǵyrdan sekirý, shańǵy qossaıysy sııaqty 8 sport túrinen synǵa túsedi. Onda 109 medal jıyntyǵy sarapqa salynady.


Joǵary qaraı