Aýa raıy
Astana 2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Óltirip, denesin jertólege jasyrǵan: Aqmolalyq turǵyn 9 jylǵa sottaldy

2020 jyldyń 28 qyrkúıek 2020 22:07

KÓKShETAÝ. QazAqparat – Aqmola oblysynyń 35 jastaǵy turǵyny birge turatyn áıeldi qyzǵanyshtan óltirip, denesin jertólege jasyrǵan. Keıin keıin urlyq jasaǵan 9 jylǵa sottaldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.

Qylmystyq is materıaldarynda kórsetilgendeı, Atbasardyń 35 jastaǵy turǵyny úıinde spırttik ishimdik ishken. Keıin birge turyp jatqan áıel kózine shóp salǵandyǵyn esine túsirip, janjal shyǵarǵan. Jatyn bólmedegi áıeldi baýyr tusynan judyryǵymen urǵan. Edenge qulaǵan ony betinen jáne basynan urýdy jalǵastyrǵan. Áıel qarsylyq tanytpaı, qımylsyz qalǵan kezde úıinen ketip qalǵan.

«Kelesi kúni qaıtyp kelgende áıeldiń ólgenin baıqaǵan ol, onyń denesin saraıdaǵy jertólege tastap, oqıǵa ornynan iz sýytqan», - deıdi vedomstvodan.

Sot-medıtsınalyq saraptama qorytyndysy boıynsha, áıel soqqydan alǵan bassúıek-mıdyń jabyq jaraqatynan, mıdyń isinýinen kóz jumǵan.

Vedomstvodan atap ótkendeı, polıtsııaǵa áıeldiń úshti-kúıli joq bolyp ketkendigi týraly eshkim aryz bermegen. Bul qylmys er adam jasaǵan taǵy bir qylmystan keıin áshkere boldy. Kúdikti kórshi úıge túsip, metall ydystar men qysqa daıyndalǵan taǵamdardy urlaǵan.

Sot úkimimen kúdikti «Abaısyzda adam ólimine alyp kelgen densaýlyqqa qasaqana zııan keltirý» jáne «Turǵyn úıge kirip, bótenniń múlkin urlaý» baptary boıynsha kináli dep tanylyp, 9 jylǵa bas bostandyǵynan aıyryldy.

Joǵary qaraı