Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Oljas Qudaıbergenov: Basshylyq qyzmetke tanys arqyly taǵaıyndaý - ótken kúnniń tájirıbesi

2022 jyldyń 22 qańtar 2022 09:53

NUR-SULTAN. QazAqparat – Otandyq ekonomıst Oljas Qudaıbergenov Qazaqstanda basshylyq qyzmetke tanystyq arqyly taǵaıyndaý men iri bıznes ókilderiniń laıyqsyz jolmen baıýyn synǵa aldy, dep habarlaıdy QazAqparat tilshisi.

«Adamdardyń adal eńbeksiz, laıyqsyz jolmen bıznes ımperııasynyń basshysy bolǵan kezder kelmeske ketýi kerek. Sondaı-aq, óziniń marjasyn ustap qalyp, qunyn arttyratyn parazıt deldaldyq qurylymdardy joıǵan jón. Jáne jekemenshik monopolııalar da ketýi kerek. Іri bıznes bilim berýmen uzaq merzimdi negizde aınalysýy qajet. ıAǵnı, ýnıversıtettermen ózara yntymaqtastyqqa kelýden bastap olarǵa tolyq qamqorlyq kórsetýge deıin. Bul oqý oryndaryn óziniń bıznes holdıngine qosý arqyly emes, belsendi demeýshilik kórsetý formatynda bolady dep úmittenemin», - dedi Oljas Qudaıbergenov.

Ekonomıstiń boljaýynsha, endigi ýaqytta «Bolashaq» baǵdarlamasynda tehnıkalyq mamandyqtarǵa basymdyq berilmek.

«Samuryq-Qazyna» ál-aýqat qory zańdy tulǵa retinde qalýy múmkin, biraq onyń fýnktsıonaldyq múmkindikteri aıtarlyqtaı azaıady. Al basshylyǵy ózgeredi. Basshylyq qyzmetke tanystyq arqyly taǵaıyndaý, dırektorlar keńesiniń formaldy quramyn jasaqtaý, taǵy sol sııaqtylar - ótken kúnniń tájirıbesi. Jalpy, ádiletsizdik, beıbereketsizdik pen dandaısýdyń zamany aıaqtaldy. Qudaı qalasa, memlekettik basqarý júıesine zerdeli ári óz ornyna laıyqty mamandar kelgen kezde, birtindep kadrlardyń durys kýbık-rýbıgi qalyptasady», - deıdi ol.

Aıta ketsek, Memleket basshysy keshegi iri bıznes ókilderimen kezdesýinde jekemenshik monopolııaǵa zańmen tyıym salýdy tapsyrdy.

Odan bólek, Prezıdent Úkimet báz bireýlerdiń múddesin kózdeıtin jekelegen toptardyń emes, halyqtyń múddesi úshin jumys isteý kerektigin basa aıtty.


Foto: inbusiness.kz


Joǵary qaraı