Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Omıkron shtamymen aýyrý kóp jaǵdaıda jeńil jáne sımptomsyz ótedi

2022 jyldyń 18 qańtar 2022 09:40

NUR-SULTAN. QazAqparat – Omıkron shtamymen aýyrý kóp jaǵdaıda jeńil jáne sımptomsyz ótedi. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Búgin elimizde barlyǵy 21 myń ınfektsııalyq tósek-oryn ashyldy. Onyń 33 paıyzynda naýqastar jatyr. Reanımatsııalyq tósek-oryn - 2 myńnan astam, onyń 16 paıyzy bos emes. Rezervte 30 myń ınfektsııalyq jáne 3 myń reanımatsııalyq oryndar bar. Óńirler boıynsha statsıonarlyq kómek uıymdastyrý máselesi turaqty baqylaýǵa alynǵan», - dedi mınıstr.

Onyń atap ótýinshe, koronavırýstyń omıkron shtamymen aýyrý kóp jaǵdaıda jeńil jáne sımptomsyz ótedi.

«Qysqa 2 kúndik juǵý kezeńimen sıpattalady. Aýrýdyń eselep kóbeıýi de sodan. Aýrýdyń alǵashqy belgileri - tumaý men jedel respıratorlyq aýrýlardaǵy sııaqty «sýyq tııý» kórinisi, ıaǵnı qyzý, álsizdik, bas aýrýy, jótel. Búgingi jaǵdaı boıynsha aýrýlardyń 80 paıyzy, ıaǵnı 78 629 aýrý ambýlatorııalyq em alýda. Sońǵy aptada anyqtalǵan jaǵdaılardyń ishinde aýrýhanaǵa jatqyzylǵan adamdardyń úles salmaǵy - 19,5 paıyz. Statsıonarǵa aýrýdyń orta jáne aýyr dárejesimen aýyratyn patsıentter túsip jatyr. Bul rette emdeýge jatqyzylǵan adamdardyń ishinde aýyr jáne óte aýyr patsıentterdiń úlesi – 5 paıyz», - dedi Ajar Ǵınııat.


Joǵary qaraı