Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Ómirzaq Shókeev Maqtaaralda arnaıy shtab otyrysyn ótkizdi

2020 jyldyń 14 shilde 2020 12:34

MAQTAARAL. QazAqparat – Túrkistan oblysynyń ákimi Ómirzaq Shókeev Maqtaaral aýdanynda tótenshe jaǵdaıdyń saldaryn joıý jumystarynyń barysyn tekserip, arnaıy shtab otyrysyn ótkizdi. Jańa úılerdiń qurylys jumystarymen tanysqan aımaq basshysy sala basshylaryna baspanalardy der kezinde salyp, josparlanǵan merzimde tapsyrý kerektigin atap ótti, dep habarlaıdy QazAqparat tilshisi.

Aıta keteıik, búginde tasqynnan zardap shekken aýdanda 9 áleýmettik nysan men 895 úıdiń qurylysy júrip jatyr. Onyń ishinde, Myrzakent aýylynda tasqyn sýdan zardap shekken turǵyndar úshin 386 úıden turatyn jańa yqsham aýdan boı kóterýde. Ondaǵy 196 turǵyn úı memlekettik bıýdjet esebinen, qalǵan 190 turǵyn úı «B.Ótemmuratov», «Salıqaly urpaq», «Biz birgemiz» qorlarynyń esebinen salynýdy. Tıptik jobadaǵy ár úıdiń aýmaǵy 100 sharshy metrdi quraıdy. Dál osy jańa aýdannan sý alǵan 5 aýyldyń 28 úısiz otbasy úshin de baspana salynýda. Óıtkeni 100-den astam adam osy ýaqytqa deıin monsha, balabaqsha, jataqhanalardy pana qylyp kelgen bolatyn.

Sondaı–aq, Fırdaýsı eldi mekeninde 314, Órgebas aýylynda 195 úıdiń qurylysy qarqyndy túrde jalǵasýda. Aýdan ortalyǵy Myrzakent kentindegi qurylys alańynda 29 merdiger mekeme tarapynan 386 turǵyn úıdiń qurylys-montaj jumystary júrgizilýde. Qurylys aýmaǵynda 386 úıdiń irgetasy quıylyp, qabyrǵasy qalanýda. 200 úıdiń shatyry jabylyp, ishki syrty árlenýde. 1550 jumysshy men 150 arnaıy tehnıka qurylys-montaj jumystaryn yrǵaqty júrgizip jatyr.





















Joǵary qaraı