Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Ómirzaq Shókeev Túrkistanda júrgizilip jatqan qurylys nysandaryn aralady

2021 jyldyń 20 qańtar 2021 12:02

TÚRKІSTAN. QazAqparat - Túrkistan oblysynyń ákimi Ómirzaq Shókeev qaladaǵy qurylys alańdaryn aralap, júrgizilip jatqan jumys barysyn baqylap kórdi, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.

Salynyp jatqan demalys oryndarynyń mán-jaıymen tanysyp, jaýapty sala basshylaryna tapsyrmalar berdi. Oblys basshysy «Túrki baǵy» men ıAssaýı kóshesi boıynan salynyp jatqan jelilik saıabaqtyń qurylysymen tanysty. Búgingi tańda jerdi tegisteý jumystary 30% aıaqtalyp, sý saqtaý qoımasyn (rezervýar) ornatýǵa daıyndyq jumystary júrgizilip jatyr.

Óńir basshysy «Kerýen saraı» turǵyn úıler kesheniniń qurylysymen tanysty. Qazirgi tańda kópqabatty turǵyn úılerdiń irgetasy qalanyp, qurylys-montajdaý jumystary qarqyndy júrip jatyr. Aýqymdy joba aldaǵy qarasha aıynda paıdalanýǵa beriledi dep kútilýde.





Ómirzaq Estaıuly ǵylymı-ámbebap kitaphanasynda boldy. Nysannyń syrtqy jáne ishki árleý, ınjenerlik jelilerin montajdaý jáne qural-jabdyqtardy ornatý jumystary júrgizilýde. Kitaphana aldaǵy aqpan aıynda el ıgiligine berilmek.

Munan soń óńir basshysy Halyqaralyq týrızm jáne meımandostyq ýnıversıtetin aralap, ondaǵy atqarylyp jatqan jumystarmen tanysty. Sondaı-aq, Túrkistandaǵy kómekshi mektep-ınternaty jataqhananyń qurylys alańyn aralap kórdi. Jataqhananyń qurylysy aıaqtalǵan. Ǵımarat ınjenerlik júıelermen qamtamasyz etilgen.





Aımaq basshysy rýhanı-mádenı ortalyqtaǵy abattandyrý jumystarymen tanysty. Qoja Ahmet ıAsaýı kesenesiniń aýmaǵyn abattandyrý 4 kezeńmen júzege asýda. Josparlanǵan istiń jartysynan astamy aıaqtalǵan. «Áziret Sultan» qoryq-murajaıynyń aýmaǵyndaǵy 9 gektar aýmaq abattandyrylýda. Qurylys jumystary óndiristik kestege sáıkes júrip jatyr. Kópjyldyq kóshetter egilip, ınjenerlik jeliler tartylǵan, aıaqjoldar tóselgen.

«Tuńǵysh Prezıdent saıabaǵynyń» aýmaǵyndaǵy qurylys ta oblys ákiminiń basty baqylaýynda. 38 gektar aýmaq tutastaı jasyl jelekke oranady. Kógaldandyrylyp, jasandy kóldiń tireý qabyrǵalarynyń beton jumystary aıaqtalyp, gabıonmen qaptalǵan. Bas qaqpasy ornatylyp, mármár taspen qaptalýda.
































Avtor Aınur Aqbaeva
Basty sózder: Túrkistan oblysy, Qurylys,
Joǵary qaraı