Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ómirzaq Shókeev Túrkistandaǵy jańa nysandardyń qurylys barysymen tanysty

2021 jyldyń 10 qyrkúıek 2021 07:40

TÚRKІSTAN. QazAqparat - Túrkistan oblysynyń ákimi Ómirzaq Shókeev Túrkistandaǵy ákimshilik-iskerlik ortalyǵynda salynyp jatqan jańa nysandardyń qurylys barysymen tanysty. Ondaǵy merdigerlermen kezdesip, qalyptasqan birqatar máselelerdi talqylady, dep habarlaıdy QazAqparat tilshisi.

Búginde Túrkistan qalasynyń shyǵys baǵytynda ornalasqan jańa Ákimshilik-iskerlik ortalyǵynda jeke kásipkerler esebinen birneshe turǵyn úı keshenderi men kottedjdi qalashyqtar boı kóterýde. Sondaı-aq, zamanaýı qonaq úılerdiń qurylysy júrip jatyr. Jańa ǵımarattar men keńseler, saýda, oıyn-saýyq ortalyǵy ashylmaq. Aımaq basshysy aldymen 12 gektar jerde qurylysy júrip jatqan 12 qabatty «Nur-Sultan sıtı» turǵyn úı keshenin aralap kórdi.




Túrik kompanııasy salǵan záýlim úılerdegi páterlerdiń jalpy aýmaǵy 160 myń sharshy metrden asady. Munda eki myńnan asa otbasy baspanaly bolady dep kútilýde. Jańa úılerdiń aldyn abattandyrý jumystary qatar júrip jatyr. Qazirdiń ózinde qurylysy aıaqtalǵan bes úıdegi baspanalardyń 90 paıyzy satylǵan. Jalpy, qalanyń ákimshilik-iskerlik ortalyǵy 1500 gektarǵa jýyq aýmaqty qamtıdy. Munda boı kótergen jańa ǵımarattardyń barlyǵy derligi zamanaýı úlgide salynýda. Onda Túrkistan oblystyq advokattar alqasy men oblystyq notarıaldy palata ǵımarattary ornalaspaq. Sonymen qatar ınvestıtsııalyq jobalar arasynda birneshe bıznes, shahmat, meıramhanalar jelisi, medıtsınalyq jáne stomatologııa ortalyqtary, kommertsııalyq ǵımarattar men kóshet ósiretin keshenniń qurylysy josparlanǵan. Shahardyń klımatyn eskere otyryp, qala syrtynda kógaldandyrýdyń úzdiksiz júıesin jáne Syrdarııa ózeniniń tabıǵı ósimdikter dúnıesimen qosylýyn qamtamasyz etetin jasyl beldeý qalyptastyrylǵan. Kógaldandyrýdyń jalpy aýdany 2035 jylǵa qaraı 13 myń gektardy quraıdy dep josparlanyp otyr.





Avtor Aınur Aqbaeva
Basty sózder: Túrkistan oblysy, Qurylys, Ákim,
Joǵary qaraı