Aýa raıy
Astana 10 °S
Almaty 15 °S
valıýta baǵamy
USD 386.70
EUR 427.15
RUB 6.06
CNY 54.57

Ondaı qońyraýlardyń bolǵanyn jasyrmaımyz – Abaev sheneýnikterdiń BAQ-qa qysymy jaıly

2019 jyldyń 23 tamyz 2019 16:15

NUR-SULTAN. QazAqparat – Aqparat jáne qoǵamdyq damý mınıstri Dáýren Abaev Elbasynyń BAQ pen sheneýnikter arasyndaǵy qatynastaryna qatysty sózine pikir bildirdi, dep habarlaıdy QazAqparat tilshisi.

«Telefon qońyraýlary» týraly: biz belgili bir taldaý jumystaryn júrgizemiz. Bas redaktorlarmen bálkim birigip, qansha qońyraýdyń kelgenin aıqyndaý kerek bolar. Biz mundaı jaǵdaılardyń qalaıda bolǵanyn jasyrmaımyz. Dese de, qońyraýlardyń kóbi memleke t tik organdardyń pozıtsııasyn túsindirýge qatysty bolǵanyna shúbá keltirmeımin. Demek, keıde jýrnalıster kemshilikke nemese qatelikke jol berýi múmkin. Tıisinshe, memlekettik organdar olarǵa habarlasyp, túsindirýi, pysyqtaýy yqtımal. Elbasy da, Memleket basshysy da atap ótkendeı, bizdiń eldiń damýy erkin BAQ-syz múmkin emes. Dál tilshiler – memlekettik organdar nazar aýdarýy tıis máselelerdi meńzeıtin mamandar bolyp sanalady», - dedi Dáýren Abaev Úkimettiń baspasóz ortalyǵynda.

Eske sala ketsek, sheneýnikterdiń BAQ redaktorlaryna qysym kórsetetinin « Nur Otan » partııasy Saıası keńesiniń keńeıtilgen otyrysynda QR Tuńǵysh Prezıdenti – Elbasy Nursultan Nazarbaev atap ótken bolatyn.

«Dástúrli BAQ pozıtsııasynan aıyrylyp barady. Dáýren Abaev osy másele boıynsha oılanyp, jumys júrgizýi kerek. Telefondyq quqyq bolmaýy tıis. Sheneýnikter redaktorlarǵa qysym kórsetedi. Ártúrli joldarmen synı materıaldardyń jolyn kesedi. Osydan keıin qoǵamdyq sanada balama shynaıylyq qalyptasady. «Nur Otan» sol sebepti, óziniń aqparattyq strategııasyn qaıta qaraýy kerek. Partııalyq BAQ shynaıy ári jedel aqparattyń kózine aınalyp, oza jumys júrgizýi tıis. Eń daryndy adamdardy tartyp, tıisti aılyq tólenýi kerek», - dedi Elbasy.

Joǵary qaraı