Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óner juldyzdary, Olımpıada júldegerleri, jekpe-jek sheberleri bozkilemde beldesti

2021 jyldyń 24 qazan 2021 00:36

AQTÓBE. QazAqparat - Aqtóbede Olımpıada júldegerleri, jekpe-jek faıterleri jáne óner juldyzdary «Wrestling stars» erkin kúres keshinde ózara kúsh synasty, dep habarlaıdy QazAqparat tilshisi oblys ákimdiginiń baspasóz qyzmetine silteme jasap.

Elimizde tuńǵysh ret ótkizilgen týrnırde 30 palýan 8 salmaq(57kg, 61kg, 65kg, 70kg, 74kg, 79kg, 86kg, 125kg)boıynsha boz kilemge shyqty.


Jarys Halyqaralyq birikken kúres áleminiń erejesine saı ótti. Óńir basshysy Ońdasyn Orazalın, QR Parlamenti Májilisiniń depýtaty Álııa Ábsemetova, Afıny Olımpıadasynyń chempıony Baqtııar Artaev qonaq bolyp, el mereıin ústem etken sportshylar men kórermenge ystyq lebizin joldady.


«Bizdiń halyq qashan da dúbirli doda, kúres degende ishken asyn jerge qoıatyn. Jankúıerleri palýandaryna jalyndy rýh berip, jeńiske jetelep qoldaý kórsetýge tyrysyp baǵatyn. Elimizdiń tarıhy erjúrek batyrlarymyz ben qurysh bilek palýandarymyzdyń erligine toly. Arǵysy Alpamys pen Qobylandy, bergisi Balýan Sholaq pen Qajymuqan syndy babalarymyzdy úlgi tutqan Ábilseıit Aıhanov, Jaqsylyq Úshkempirov sııaqty aǵalarymyzdyń izin jalǵastyrǵan Dáýlet Turlyhanov pen Baqtııar Baıseıitov sekildi batyrlarmyz otandyq kúrestiń abyroıyn arttyryp, dańqymyzdy kóterdi. Olardyń sońynan ergen jańa býyn ókilderiniń birqataryn biz búgingi dodada kórdik»,- dedi Ońdasyn Orazalın quttyqtaý sózinde.



London Olımpıadasynyń qola júldegeri Aqjúrek Tańatarov, Tokıo Olımpıadasynyń qola júldegeri Nurıslam Sanaev, Belarýs eliniń palýany, Rıo Olımpıadasynyń qola júldegeri Ibragım Saıdov, QR jattyqtyrýshysy Áset Imanbaev, QR birneshe dúrkin jeńimpazy Baqdáýlet Álmentaı, Azııa chempıony Erkebulan Boranǵalı syndy baby kelisken palýandar men oktagon maıtalmandary Sergeı Morozo, Arman Áshim, Ildar Qudaıbergenov, Asý Almabaev, workout sportynan álem chempıony Aıtym Jakýpov, Goıtı Dazaev, Qýat Hamıtov boz kilemde beldesti. Bilegi myǵym jigitermen óner barysynyń eki dúrkin chempıony, akter Asylhan Tólepov pen kınoakter Ǵazret Qajymuqanuly jáne akter Jasulan Áıtenov kúresti. Beldesý erkin jáne grek-rım kúresi boıynsha ótti. «Wrestling Stars» keshi basqa týrnırlerden ereksheligi kóp. Alǵashqy týrnır bolǵandyqtan palýandar tek bir qarsylaspen, bir ret boz kilemge shyqty. Jeńimpazǵa 500 000 tg buıyrsa, jeńilgen palýan 300 000 tg aqshalaı syılyq tabystaldy.


Avtor Altynaı Saǵyndyqova
Basty sózder: Aqtóbe oblysy, Sport,
Joǵary qaraı