Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Óńir turǵyndary Májilis depýtattaryna referendýmǵa qatysty oılaryn bildirýde

2022 jyldyń 27 mamyr 2022 23:07

NUR-SULTAN. QazAqparat – Májilis depýtattary qazaqstandyqtardy Konstıtýtsııaǵa ózgerister engizý boıynsha referendýmǵa qatysýǵa úndep, óńirlerdi aralap júr, dep habarlaıdy QazAqparat.

Máselen, depýtat Edil Jańbyrshın Mańǵystaý oblysyna sapary barysynda óńir temirjolshylarymen kezdesti.

Depýtattyń aıtýynsha, júregi elim, jerim, halqym dep soǵatyn árbir azamat Konstıtýtsııalyq ózgeristerdi talqylaýǵa belsene aralasyp, referendýmǵa qatysyp, óz tańdaýyn jasaýy kerek.

Temirjolshylar ózderin tolǵandyrǵan suraqtardy alǵa tartyp, Ata zańǵa engiziletin ózgeristerdiń jekelegen baptary boıynsha ortaq pikirlerin aıtty.







Osy kúni Májilis depýtaty Álııa Ábsemetova Jambyl aýdany Aqseńgir aýylynyń turǵyndarymen júzdesti.

Depýtattyń pikirinshe, referendým – halyqqa degen senimniń, azamattardy memlekettik basqarý isine keńinen tartýdyń aıqyn belgisi. Óz kezeginde Aqseńgir aýyldyq okrýginiń aqsaqaldar keńesiniń tóraǵasy Tursynǵalı Sarybaev «Qazaqstannyń bolashaǵyn aıqyndaıtyn, oıymyzdy ashyq jetkizýge múmkindik beretin, referendýmdy tolyq qoldaımyz», - degen oıyn bildirdi.

Sondaı-aq Soltústik Qazaqstan oblysyna barǵan májilismen Dmıtrıı Koloda Petropavl qalasynda zaýyt jumysshylarmen kezdesip, Konstıtýtsııalyq reforma tóńireginde mazmundy áńgime órbitti.

S.Kırov atyndaǵy zaýyt kóne kásiporyndardyń biri. Zamanaýı tehnıkalyq quraldardy óndiredi. Kásiporynda 500 adam eńbek etedi, olar konstıtýtsııalyq túzetýlermen tolyqtaı tanysqandaryn jáne qoldaıtyndaryn aıtyp, referendýmǵa qyzyǵýshylyq tanytty.

«Óńirlerge sapar barysynda depýtattar referendým Qazaqstan damýynyń jańa kezeńindegi tarıhı oqıǵa ekenin aıtyp, el turǵyndaryn belsene qatysýǵa shaqyrdy», - dedi Májilistiń baspasóz qyzmetinen.


Joǵary qaraı