Aýa raıy
Astana -18 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Óńirlerde sport sektsııalarynyń sany artady- Serik Jarasbaev

2020 jyldyń 25 qarasha 2020 17:30

NUR-SULTAN. QazAqparat - MSM Sport jáne dene shynyqtyrý isteri komıteti tóraǵasynyń orynbasary Serik Jarasbaev balalarǵa arnalǵan sport sektsııalary jetkiliksiz ekenin aıtty, dep habarlaıdy QazAqparat tilshisi.

«Mınıstrlik aldyna úlken maqsat júkteldi. Bıyldyń qyrkúıek aıynda Memleket basshysy bergen tapsyrma aıasynda buqaralyq jasóspirimder sportyn damytýǵa ekpin qoıylyp otyr. Joldaýda kásibı klýbtar jaıynda aıtylǵan edi. Qazirgi ýaqytta Úkimet, Mádenıet jáne sport mınıstrligi búkil jergilikti atqarýshy organdarmen birlesip osy baǵyt boıynsha jumys jasaýda. Taldaý málimetterine súıensek, 98 kásibı sporttyq oıyn klýby bar. Olardyń 99 paıyzy jergilikti atqarýshy organ bıýdjeti qarjysyn alyp otyr. Memlekettik organdarmen, oıyn sport túrleri federatsııalarymen birlesip osy tapsyrmany jyldyń aıaǵyna deıin oryndaý úshin naqty joldaryn atqarýdamyz», - dedi S. Jarasbaev dedi Ortalyq kommýnıkatsııalar qyzmetinde.

Osy oraıda ol qarjyny buqaralyq sportqa, balalar men jasóspirimder sportyna, tegin sport sektsııalaryn ashýǵa jumsalatynyn atap ótti.

«Jergilikti atqarýshy organdar statıskasyn zerttep shyqtyq. Qazir kezde 120 myńnan astam sektsııa bar. Biraq olar balalar úshin jetkiliksiz dep aıtýǵa bolady. Sondyqtan osy tapsyrmany oryndaý úshin birazdan beri iske asyrylyp kele jatqan jobalar qamtyldy. Bilim mınıstrligimen, tirkelgen federatsııalarmen birlesip bul baǵyttaǵy sharalardy atqaryp jatyrmyz», - dedi komıtet ókili.

Aıta keteıik, Joldaýda Memleket basshysy buqaralyq sportqa baılanysty birqatar atqarylatyn jumys legin pysyqtap, qazirgi jaǵdaıda kəsibı sport klýbtaryn memleket tarapynan qarjylandyrýdyń qajeti joǵyn ashyp kórsetti.


Joǵary qaraı