Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Óńirlerdegi dızel baǵasy ártúrli - Áset Maǵaýov

2022 jyldyń 11 mamyr 2022 12:40

NUR-SULTAN. QazAqparat – QR Energetıka vıtse-mınıstri dızel baǵasy Áset Maǵaýov óńirlerde onyń tasymal shyǵynyna baılanysty ár túrli bolyp belgilengenin málim etti, dep habarlaıdy QazAqparat tilshisi.

«Munaı óńdeý zaýyttarymen kelisim boıynsha dızeldiń tonnasyna 212 myń teńge, lıtrine 176 teńge baǵa belgiledik. Oǵan óńirlerge jetkizý jáne munaı bazalarynda saqtaý shyǵyndaryn qosýǵa bolady. Operatorlar sharýalarǵa jeńiltedilgen baǵamen janarmaı jetkizý úshin qarjy tartyp, shyǵyndalyp jatady. Soǵan baılanysty óńirlerde baǵa qubylýy múmkin. Munaı óńdeý zaýyttaryna jaqyn óńirlerde baǵa arzandaý bolsa, alystaǵan saıyn baǵa óse túsedi. Biraq qaıtkende de ol baǵa janarmaı quıý stansalaryndaǵy bólshek saýda baǵasynan arzan. Ortalyq jáne ońtústik óńirlerde janarmaı quıý stansalaryna lıtrine 260 teńge degen baǵa belgilengen. Al soltústik jáne shekaradaǵy óńirlerde 260 tńge bolyp belgilengen. Qazir soltústik aımaqtarda dızeldiń baǵasy lıtrine 250 teńgeden aınalady», - dedi Áset Maǵaýov.

Onyń aıtýyna qaraǵanda, osy belgilengen baǵany ósirgen janarmaı stansalary jaýapqa tartylýy múmkin.

«Eger janarmaı quıý stansalarynda shekti baǵany saqtamaý faktisi belgili bolsa, Básekeletstik qorǵaý jáne damytý agenttiginiń tarapynan tıisti tekserý júrgizilip, uıǵarym toltyrylady», - dedi vıtse-mınıstr.

Buǵan deıin kóktemgi egis jumystaryn júrgizý úshin aýyl sharýashylyǵy taýaryn óndirýshilerine arzandatylǵan baǵamen 400 myń dızel otyny bólingeni aıtylǵan bolatyn.


Joǵary qaraı