Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Óńirlerdi gazdandyrýdyń 2030 jylǵa deıingi syzbasyn jańartý qajet – Smaıylov

2022 jyldyń 24 mamyr 2022 14:41

NUR-SULTAN. QazAqparat – Úkimet basshysy Álıhan Smaıylov 1 shildege deıin Óńirlerdi gazdandyrýdyń 2030 jylǵa deıingi jańartylǵan shemasyn usynýdy tapsyrdy, dep habarlaıdy QazAqparat tilshisi.

«Artyp kele jatqan halyq sany men ónerkásip salasynyń qajettilikterin qamtamasyz etý úshin gaz kólemi jetkilikti bolýy kerek. Sondyqtan resýrstyq bazany keńeıtý, onyń ishinde aýqymdy geologııalyq barlaý jumysy negizgi mindetke aınalýy tıis. Shıkizat qory, ásirese, gazdyń jetkilikti kólemi naryqqa keletin áleýetti ınvestorlar úshin asa mańyzdy. Energetıka mınıstrligine Ulttyq ekonomıka jáne Qarjy mınıstrlikterimen birlesip, 15 maýsymǵa deıin jetildirilgen modeldik kelisimshartty ázirleý aıasynda gaz jobalary úshin retteýshilik jáne fıskaldyq basymdyqtardyń túpkilikti paketin ázirleýdi tapsyramyn», - dedi Premer-Mınıstr Úkimettiń búgingi otyrysynda.

Úkimet basshysy eldi odan ári gazdandyrý gaz tasymaldaý júıesiniń deńgeıi men jaǵdaıyna tikeleı baılanysty ekenin atap ótti.

«Búgingi tańda gaz qubyrlary maksımaldy qýatynda jumys istep tur. Olardyń kóbi kúrdeli jóndeýdi qajet etedi. Sondyqtan jańa nysandardy salý, eskilerin jańǵyrtý jáne jóndeý boıynsha naqty jospar bolýy kerek. Osyǵan oraı Energetıka mınıstrligine ákimdiktermen jáne Samuryq-Qazyna qorymen birlesip, 1 shildege deıin Úkimetke Óńirlerdi gazdandyrýdyń 2030 jylǵa deıingi bas syzbasynyń jańartylǵan jobasyn engizýdi tapsyramyn», - dedi Á. Smaıylov.

Sonymen birge Úkimet basshysy Prezıdentitń eldiń soltústik jáne shyǵys óńirlerin gazdandyrýdyń ońtaıly nusqasyn aıqyndaý týraly tapsyrmasyn eske saldy.

«Qazir eki nusqa pysyqtalyp jatyr. Biri – Reseı arqyly gaz tartý bolsa, ekinshisi - «Saryarqa» magıstraldy gaz qubyry. Bul - óte mańyzdy másele. Sondyqtan keshiktirýge bolmaıdy. Energetıka mınıstrligine tıisti ákimdiktermen jáne «Samuryq-Qazyna» qorymen birlesip, 1 qyrkúıekke deıin atalǵan nusqalarǵa keshendi baǵalaý júrgizip, kelisilgen sheshimdi engizýdi tapsyramyn», - dedi Premer-Mınıstr.

Buǵan deıin Álıhan Smaıylov Qazaqstanda 1700-den astam eldi meken nemese 11 mıllıonnan astam qazaqstandyq tabıǵı gazben qamtamasyz etilgenin aıtqan edi.

Sońǵy 5 jylda ishki naryqta gaz tutyný kólemi 35%-ke ósken.


Joǵary qaraı