Aýa raıy
Astana -1 °S
Almaty -1 °S
valıýta baǵamy
USD 388.81
EUR 429.01
RUB 6.08
CNY 55.49

Onkologııalyq naýqastardy shetelge jiberýden bonýs alatyn kompanııalar bar

2019 jyldyń 15 qazan 2019 11:56

NUR-SULTAN. QazAqparat – Onkologııa aýrýlaryn emdeý úshin aqsha jınaýmen aınalysatyn kompanııalar anyqtalyp jatyr. Bul týraly QR Densaýlyq saqtaý mınıstrligi Qazaq onkologııa jáne radıologııa ǵylymı-zertteý ınstıtýty basqarma tóraıymy, m.ǵ.d. Dılıara Qaıdarova málim etti, dep habarlaıdy QazAqparat tilshisi.

«Túrkııaǵa, Koreıaǵa nemese Eýropaǵa baryp emdelgendi qalaıtyn adamdar bar. Degenmen de dál osy em-dom sharalaryn biz de usyndyq. Biz osy jaǵdaılardyń barlyǵyn tekserip shyqtyq. Elimizdegi naýqastardy emdelýge shet elderge jiberýdi shynymen de lobbılendiretin kompanııalar bar. Olar osy qyzmeti úshin tıisti bonýstar alady. Bul óz kezeginde qandaı da bir bıznes túri», - dedi D. Qaıdarova Onkologııadaǵy Dúnıejúzilik kóshbasshylar sammıtinde tilshiler saýalyna jaýap bere otyryp.

Onyń atap ótýinshe, shilde aıynan onkologııalyq kómek kórsetýdiń árbir oqıǵasyn tekserý sharalary bastaldy. Osy oraıda sońǵy úsh aıda atalǵan habarlandyrýlar sany tómendegen.

«Biz olarmen (kompanııalarmen) baılanysqa shyqtyq. Bul turǵyda olardyń emdelýshiniń palatasyna baryp, balany shetelge jiberý úshin aqsha jınap berý usynysyn jasaıtynyn anyqtadyq. Negizinen, bul sharalar balalar onkologııasy boıynsha júrgiziledi. Árıne, bul turǵyda zańsyz eshteńe de joq», - dedi D. Qaıdarova.

Budan buryn habarlanǵandaı, búgin elordada Onkologııadaǵy Dúnıejúzilik kóshbasshylar sammıtiniń jumysy bastaldy. Sharaǵa 70 elden 350 delegat qatysyp jatyr.

Joǵary qaraı