Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Onlaın sanaqqa qatysýshy neni bilýi kerek – Ulttyq statıstıka bıýrosy

2021 jyldyń 13 qyrkúıek 2021 12:44

NUR-SULTAN. QazAqparat – Búginde elimizde onlaın sanaq ótip jatyr. QR Ulttyq statıstıkanyń búgin bergen málimetine sáıkes 2 mln-nan astam qazaqstandyq sanaqtan onlaın ótti. Osy oraıda sanaqqa qatysýshy neni bilýi kerek jáne suraq týyndaǵanda qaıda habarlasýǵa bolady? Atalǵan saýaldarǵa «Halyq sanaǵy-2021» resmı ókili. Oljas Saılaýbekuly jaýap berdi, dep habarlaıdy QazAqparat tilshisi.

«Onlaın sanaqtan ótkende qatysýshy ózimen qatar otbasy múshelerin de tirkeı alady. ıAǵnı otbasynyń ár múshesiniń jeke tirkelýiniń qajeti joq. Bul yńǵaıly ári kóp ýaqyt almaıdy. Búkil otbasy múshelerine qatysty tıisti málimetterdi tirkegen soń sanaqtyń qorytyndysy habarlama túrinde keledi. Búginde onlaın sanaq qarqyndy túrde júrip jatyr jáne eshqandaı zań buzýshylyq oqıǵasy tirkelgen emes», - dedi Oljas Saılaýbekuly.

Onyń aıtýynsha, 1 qazannan bastap sanaq jumysyna ıntervıýerler kirisedi.

«Bizde 1446 baılanys ortalyǵy jumys isteıdi. Azamattar Call ortalyqqa habarlasyp ózin tolǵandyrǵan suraqtarǵa jaýap alady. Habarlasý tegin jáne ortalyq táýlik boıy jumys isteıdi. Ortalyqqa osy ýaqytqa deıin habarlasqan azamattar kóbinese onlaın sanaqtan ótý protsesi men tirkelýge qatysty suraıdy. Óz kezeginde bizdiń mamandar barlyq suraqtarǵa jaýap beredi», - deıdi ol.

Sondaı-aq, resmı ókil sanaq saýalnamasyna toqtalyp ótti. Málimdeýinshe ondaǵy suraqtar halyq talqysynan ótken.

«Suraqtar elimizde 2009 jyly ótken sanaq saýalnamasynyń negizinde qurastyryldy. Sondaı-aq, onyń ishinde memlekettik quzyrly organdardyń usynysy boıynsha engizilgen suraqtar da bar. Odan bólek, halyqaralyq uıymdardyń da pikir, usynysy eskerildi. Atap aıtqanda, Eýropalyq statıster konferentsııasy jáne Vashıngton toby sekildi syrt uıymdar. Sonymen qatar bıylǵy onlaın sanaqtyń saýaldary Ashyq NQA alańyna jarııalanyp, halyq talqysynan ótip, memlekettik organdarmen kelisilgen», - dedi O. Saılaýbekuly.


Avtor Álı Ibraev
Basty sózder: Basqa memorgandar, Halyq sanaǵy,
Joǵary qaraı