Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Onlaın sot otyrystaryna qoıylatyn halyqaralyq talaptar qandaı

2021 jyldyń 8 qazan 2021 18:37

NUR-SULTAN. QazAqparat – Halyqaralyq zańgerler komıssııasynyń (ICJ - red.) aǵa keńesshisi Tımýr Shakırov onlaın sot otyrystaryna qoıylatyn halyqaralyq talaptardy atady, dep habarlaıdy QazAqparat tilshisi.

«Kóptegen qylmystyq jáne azamattyq protsesterde jeke taraptar men olardyń advokattary ádette sotqa jeke qatysady. Alaıda, COVID-19 indetiniń órshýi saldarynan kóptegen sot organdary qatysýshylardy onlaın quraldarmen shektep otyr. Biz COVID-19 pandemııasy sııaqty tótenshe jaǵdaılar kezinde de kez kelgen adamnyń qylmystyq iske kózbe-kóz qatysý quqyǵyn tolyq saqtaý kerek dep esepteımiz. Atap aıtqanda, ulttyq zańdar men erejeler, sottar men basqa da bılik organdary aıyptalýshyny sot protsesine kózbe-kóz qatysýdan shekteýge jol bermeýi kerek. Ásirese qylmystyq isterdi qaraý kezinde sot otyrysyna tikeleı qatystyrýdan bas tartyp, ornyna beınebaılanys arqyly qatysýǵa májbúrleýge bolmaıdy», - degen Tımýr Shakırov sot protsesine qyzyǵýshylyq tanytýshylardyń múddesin qorǵaýdyń mańyzdylyǵyna toqtaldy.

«Qoǵamnyń jekelegen ókilderiniń ótinishi boıynsha beınejazbaǵa qol jetkizý nemese protsesti bir ýaqytta taratý sııaqty nusqalar arqyly sot tyńdaýlarynyń jarııalylyǵy saqtalýǵa tıis.

Qashyqtan tyńdaýlar ótkizý kezinde sottar genderlik zorlyq-zombylyq qurbandaryna, balalar men múmkindigi shekteýli adamdarǵa qosymsha qoldaý kórsetilýin qamtamasyz etýge tıis. Osy maqsatta, beınebaılanys naqty tyńdaý úshin jaramdy ma, joq pa degen saýalǵa jaýap alynyp, qatysýshylardyń múmkindigi saraptalýy kerek. Eger mundaı sharalar qabyldanbasa, aıyptalýshynyń, jábirlenýshilerdiń jáne kýálardyń quqyqtaryn eskere otyryp, isti qaraýdy keıinge qaldyrý múmkindigin qaraǵan jón», - dedi halyqaralyq sarapshy onlaın otyrys barysynda.

Shara Nur-Sultandaǵy EQYU baǵdarlamalar ofısi, Qazaqstan Respýblıkasynyń Joǵarǵy soty jáne Quqyqtyq saıasatty zertteý ortalyǵynyń uıymdastyrýymen ótti.
Joǵary qaraı