Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Onlaın sot otyrystarynyń kemshiligi qandaı – Ýkraına sarapshysynyń pikiri

2021 jyldyń 8 qazan 2021 17:57

NUR-SULTAN. QazAqparat – Ýkraına Prezıdenti janyndaǵy Quqyqtyq reforma máseleleri jónindegi komıssııanyń múshesi, saıası-quqyqtyq reformalar ortalyǵy basqarma tóraǵasynyń orynbasary Roman Kýıbıda «COVID-19 pandemııasy kezinde sot tóreligine qol jetkizý» taqyrybyndaǵy onlaın kezdesýde onlaın sot otyrystarynyń kemshilikteri týraly pikir bildirdi dep habarlaıdy QazAqparat

«Keı elder onlaı sot protsesterinde belgili bir resýrstardy paıdalanýdy shekteıdi. Keıbir kompanııalar óz baǵdarlamalaryn sot protsesteriniń qajettilikterine qaraı beıimdep jatyr. Ulybrıtanııada mundaı júıeni qurý áreketteri bar. Sondaı-aq, AQSh pen Kanadada jasalǵan jáne qoldanylatyn arnaıy baǵdarlamalar bar. Onlaın sottardyń qateri qandaı? Birinshi kezekte ádil sot protsesiniń standarttaryna kepildik berý, jarııalylyqty qamtamasyz etý boıynsha máseleler týyndaýy múmkin», - degen zań ǵylymdarynyń kandıdaty onlaın sot protsesteriniń jazbasy saqtalmaıtynyn kemshilik retinde atady.

«Túrli elder túrli tásilderdi qoldanyp jatyr. Keıde tipti sot otyrysyna qyzyǵýshylyq tanytqan adamdardy, BAQ ókilderin tikeleı kórsetilimge qosady. Mundaı onlaın kórsetilimderdiń jazbasy saqtalmaıdy. Baılanys sapasy da árdaıym jaqsy bola bermeıdi. Mysaly, Jańa Zelandııada spýtnıktik ınternet qamtamasyz etilgen. Al Ýkraınada sotqa qatysýshylardy sáıkestendirý úshin ETsQ jıi qoldanylady. Qytaıda sotqa qatysýshyny bet álpeti boıynsha sáıkestendiredi. Onlaın sotta zattaı aıǵaqtardy zertteý men saraptama júrgizý problemalary bar. Mundaı zertteýlerdi oflaın rejımde júrgizgen durys. Óıtkeni onlaın sot tikeleı zertteýdi qamtamasyz ete almaıdy», - dedi Roman Kýıbıda.

Aıta keteıik, is-shara Nur-Sultandaǵy EQYU baǵdarlamalar ofısi, Qazaqstan Respýblıkasynyń Joǵarǵy soty jáne Quqyqtyq saıasatty zertteý ortalyǵynyń uıymdastyrýymen ótti.


Joǵary qaraı