Aýa raıy
Astana -2 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

«Ońtústik» ekonomıkalyq aımaǵyna 15 mln teńge aıyppul salyndy

2020 jyldyń 22 qyrkúıek 2020 09:41

ShYMKENT. QazAqparat - «Ońtústik» AEA basqarýshy kompanııasy» AQ 15 mln teńgeden astam aıyppul tóleıdi, dep habarlaıdy QazAqparat Tabıǵı monopolııalardy retteý komıtetine silteme jasap.

Komıtettiń Shymkent qalasy boıynsha departamenti 27 mamyrda «Ońtústik» arnaıy ekonomıkalyq aımaǵy basqarýshy kompanııasyn Tabıǵı monopolııalar týraly zańnyń 26-baby 2-tarmaǵy 2-3 tarmaqshalaryn oryndamaǵany úshin ákimshilik jaýapkershilikke tartqan.

Sýbekt Shymkent qalasynyń mamandandyrylǵan aýdanaralyq ákimshilik sotyna shaǵym túsirdi, biraq sot ony qanaǵattandyrmady.

Shymkent qalasy sotynyń azamattyq ister jónindegi sot alqasynyń qaýlysymen birinshi satydaǵy sottyń sheshimi kúshinde qaldy.

Qazirgi tańda «Ońtústik» arnaıy ekonomıkalyq aımaǵy basqarýshy kompanııasy» AQ jalpy somasy 15 394 949 teńge aıyppuldy tolyǵymen ótedi.


Basty sózder: Zań, Shymkent,
Joǵary qaraı