Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Ońtústik Koreıa turǵyny qazaq-koreı sózdigin qurastyryp shyǵarmaq

2021 jyldyń 17 qańtar 2021 00:43

NUR-SULTAN. QazAqparat - Ońtústik Koreıa azamaty qazaq-koreı sózdigin shyǵarý úshin nıettes adamdar izdeıdi, dep habarlaıdy Habar 24.

Bul týraly Choı En Sonnyń ózi Qazaq halyqaralyq qatynastar jáne álem tilderi ýnıversıtetiniń stýdentterimen onlaın-kezdesýinde aıtty.

En Sonnyń Nuraı degen qazaqsha esimi bar. 2 jyl buryn boıjetken Hangýk shet tilder ýnıversıtetindegi qazaq bólimin bitirgen. Sodan beri ol osy ýnıversıtette jumys isteıdi. Oqý barysynda Choı Son qazaq tilindegi kitap tappaı qınalǵan. Sondyqtan ol Abaı tilin úırenýge nıet tanytqandarǵa kómektesýdi kózdeıdi.

Qazaqsha ómirdegi sóılemder ǵoı, sondyqtan sondaı kitap bolsa óte tez úırenýge bolady. Mamandyǵy boıynsha sózdik, resmı túrde qazaqsha jáne kárisshe sózdik bolsa bilim alýǵa óte jaqsy bolady dep oılaımyn. Koreıshe jaqsy biletin birge yntymaqtasýǵa bolatyn stýdentter jáne professorlar kóp kerek. Jáne aqparat naqty bolýy kerek jáne qazaq tili bolǵandyqtan soǵan baılanysty jaqsy tekserýge bolatyn adamdar kóp bolsa jaqsy bolady dep oılaımyn», - deıdi Hangýk shet tilder ýnıversıtetiniń qyzmetkeri Choı En Son.
Joǵary qaraı