Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Ońtústik Koreıada qansha qazaqstandyq qylmystyq jaýapqa tartylǵan

2021 jyldyń 20 qańtar 2021 11:53

NUR-SULTAN. QazAqparat – QR Bas prokýrorynyń orynbasary Marat Ahmetjanov Koreıa Respýblıkasynda Qazaqstannyń 26 azamaty qylmystyq jaýapqa tartylyp jatqanyn aıtty, dep habarlaıdy QazAqparat tilshisi.

«Koreıada sottalǵan 25 adamdy qaıtarýǵa tolyq múmkindik bar. Ókinishke qaraı, Qazaqstannyń taǵy 26 azamaty qylmystyq jaýapqa tartylyp jatyr. Olarǵa qatysty sot úkimi zańdy kúshine enbedi», - dedi M. Ahmetjanov Májilistiń jalpy otyrysynda.

Budan buryn habarlanǵandaı, Parlament Májilisiniń jalpy otyrysynda «Qazaqstan Respýblıkasy men Koreıa Respýblıkasynyń arasyndaǵy sottalǵan adamdardy berý týraly shartty ratıfıkatsııalaý týraly» zań jobasy maquldandy.

Bul qujat aıasynda Koreıada sottalǵan 25 qazaqstandyqty elge qaıtarýǵa múmkindik jasalmaq.

«Búgingi tańda Koreıada 25 qazaqstandyq jazasyn ótep jatyr. Bizde Koreıanyń bir azamaty jazaǵa tartyldy. Usynylyp otyrǵan kelisimge ratıfıkatsııa jasalǵan jaǵdaıda bul azamattardy elge qaıtarýǵa múmkindik týady. Olar elge kelip, áleýmettik ortasynda jazasyn óteıdi», - dedi M. Ahmetjanov.


Joǵary qaraı