Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ońtústik Koreıada koronavırýs juqtyrýdyń sany rekordtyq deńgeıge jetti

2021 jyldyń 24 qyrkúıek 2021 13:10

SEÝL. YONHAP. QazAqparat – Ońtústik Koreıada koronavırýs juqtyrýdyń kún saıynǵy sany juma kúni rekordtyq deńgeı – 2434-ke jetip, 10 tamyzda tirkelgen burynǵy antırekordty (2221 oqıǵa) jańartqan, dep habarlaıdy QazAqparat YONHAP agenttigine silteme jasap.

Turǵyndardyń Chhýsok merekesi (Ońtústik Koreıadaǵy Alǵys aıtý kúni) kezinde jappaı júrýi koronavırýstyń búkil el boıynsha jyldam taralýyna sebep boldy.

Eldiń densaýlyq saqtaý organdary dúısenbiden senbige deıin bolǵan Chhýsok kezinde mıllıondaǵan ońtústikkoreıalyq azamattardyń týǵan qalalaryna jol tartýynan keıin vırýs juqtyrýdyń kún saıynǵy ósimin boljaǵan edi.

Koreıanyń Aýrýlardy qadaǵalaý jáne aldyn alý agenttiginiń (KDCA) málimetinshe, elde SOVID-19 vırýsyn juqtyrýdyń 2434 jańa oqıǵasy tirkelgen, sonyń ishinde 2416-cy – jergilikti ınfektsııa jaǵdaılary. Aýrý juqtyrý ósimine baılanysty, elde indetke shaldyqqandardyń jalpy sany 295 132 adamǵa jetken.




Elde bir kúnde koronavırýstan taǵy jeti adam qaıtys bolǵany habarlandy. Qaýipti indetten kóz jumǵandardyń jalpy sany 2434 adamǵa jetti.


Joǵary qaraı