Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Oralda 11 jasar balany qaǵyp ketken avtokólik izdestirilip jatyr

2022 jyldyń 24 mamyr 2022 23:19

ORAL. QazAqparat – Oralda 11 jasar balany qaǵyp ketken avtokólik júrgizýshisi izdestirilip jatyr, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 24 mamyr kúni ıÝ.Gagarın men Jánibek kósheleriniń qıylysynda boldy.

«Úmit» dúkeni janyndaǵy jaıaý júrginshi ótkelinde aldyn ala málimet boıynsha aq tústi «Toyota» avtokóligi balany qaǵyp ketken. Sodan keıin júrgizýshi jasóspirimdi úıine deıin jetkizip, ózi boı tasalaǵan.

«Balanyń anasy saǵat 17.40-ta polıtsııaǵa júgindi. Jetkinshek jaraqat pýnktinde tekserilgennen keıin qanshalyqty zardap shekkeni belgili bolady. Qazirgi kezde atalǵan avtokólikti izdestirýge departamenttiń jeke quramy jumyldyryldy. QR Ákimshilik quqyqbuzýshylyq kodeksi 611-babyna sáıkes ákimshilik is qozǵaldy», dep habarlady vedomstvodan.

BQO densaýlyq saqtaý basqarmasynyń baspasóz qyzmeti oqıǵanyń jaı-japsary anyqtalyp jatqanyn jetkizdi.

Eske sala keteıik, budan buryn BQO-da shekarany zańsyz kesip ótken ózbek azamaty izdestirilip jatqanyn jazǵan bolatynbyz.


Avtor Eljan Eraly
Basty sózder: Oqıǵa, Batys Qazaqstan oblysy, Kólik,
Joǵary qaraı