Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Oralda 25 velosıped urlaǵan turǵyndy áıeli ustap berdi

2022 jyldyń 21 mamyr 2022 22:22

ORAL. QazAqparat – Oral qalasy turǵynynyń 25 velosıped jymqyrǵanyn áıeli aıtyp berdi, dep habarlaıdy QazAqparat tilshisi.

BQO polıtsııa departamenti baspasóz qyzmetiniń qyzmetkeri, polıtsııa maıory Darıǵa Májıtovanyń málim etkenindeı, 25 jastaǵy jigit ótken jyldan beri velosıped urlaýmen aınalysyp, «kásip qylǵan».

Onyń sózine qaraǵanda, turǵynnyń velosıped urlap bara jatqan sáti kópqabatty úılerdiń birindegi kireberiste ornatylǵan beınekameraǵa túsip qalǵan.

«Uryny polıtsııa qyzmetkerleri sol boıda qolǵa túsirdi. 1997 jylǵy turǵyn óz kinásin, budan buryn da úsh velosıped jymqyrǵanyn moıyndady. Velosıpedtiń bireýi onyń mekenjaıynan tabyldy. Jedel is-sharalar barysynda urlanǵan velosıpedti satyp alǵan adam da anyqtaldy. Odan barlyǵy segiz velosıped tárkilendi, onyń tórteýiniń ıesi belgili boldy. Taǵy tórt velosıpedke qatysty azamattardyń aryz-shaǵymy boıynsha tekserý júrgizilýde. Urynyń azamattyq nekedegi áıeli 2021 jyldyń shildesinen beri kúıeýiniń 25 velosıped urlap, ótkizgenin aıtty», - dedi D.Májıtova.

Ury velosıpedti úıdiń kireberisindegi batareıaǵa bekitetin qulypty kesip tastap, alyp ketip otyrǵan. Oǵan qatysty QR QK 188-babyna (urlyq) sáıkes sotqa deıingi tergeý amaldary júrgizilýde.

Jaz kezinde velosıped urlaý derekteri kóbeıetini belgili. Sondyqtan departament qyzmetkeri árkimniń óz múlkine muqııat bolýy kerektigin jetkizdi.

Eske sala keteıik, budan buryn Oralda aqsha bopsalaǵan 23 jastaǵy jigittiń ustalǵanyn jazǵan bolatynbyz.



Joǵary qaraı