Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oralda átkenshektiń qulaýy: Balalardyń jaǵdaıy belgili boldy

2021 jyldyń 3 mamyr 2021 12:58

ORAL. QazAqparat – Oralda qalalyq saıabaqtaǵy átkenshekten qulaǵan balalardyń jaǵdaıy belgili boldy, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkenindeı, qalalyq mádenıet jáne demalys saıabaǵynda keshe bolǵan oqıǵa saldarynan 8 bala zardap shekti.

«Balalar kóptegen dene jaraqattaryn alǵan. Jedel járdem olardy oblystyq kópbeıindi aýrýhanaǵa jetkizdi. Dárigerler qaraǵannan keıin balalardyń mıy shaıqalmaǵan jáne synyq jaraqattaryn almaǵan bolyp shyqty. Bári de medıtsınalyq kómek kórsetilgennen ambýlatorlyq em alýǵa jiberildi», dep habarlady vedomstvodan.

Keıin belgili bolǵanyndaı, attraktsıonnyń isten shyǵýyna baılanysty qatty jyldamdyqpen aınalyp turǵan átkenshek kilt toqtap qalyp, balalar sodan jaraqat alǵan.

BQO polıtsııa departamenti osy oqıǵa baılanysty attraktsıon ıesine qatysty QR QK 306-baby 2-bóligine (qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetter kórsetý) sáıkes qylmystyq is qozǵalǵanyn jetkizdi.

Eske sala keteıik, budan buryn Oralda qalalyq saıabaqtaǵy attraktsıonnan 8 bala qulap ketkenin jazǵan bolatynbyz.




Avtor Eljan Eraly
Basty sózder: Batys Qazaqstan oblysy, Oqıǵa,
Joǵary qaraı