Aýa raıy
Astana 11 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Oralda bir kúnde eki kisi óltirý deregi tirkeldi

2020 jyldyń 8 tamyz 2020 16:58

ORAL. QazAqparat – Oral qalasynda bir kúnde eki kisi óltirý deregi tirkeldi, dep habarlaıdy QazAqparat tilshisi.

BQO polıtsııa departamenti bastyǵynyń orynbasary Ashat Temirjanovtyń aıtýynsha, mundaı qylmystardyń kópshiligine araq ishý sebep bolyp jatady.

Mas adam óz is-áreketine esep bermeıdi. Bul joly da 2 tamyz kúni aıyptalýshylar men jábirlenýshilerdiń birge araq ishýi barysynda eki qaıǵyly oqıǵa oryn alǵan.

Saǵat 13.00 shamasynda Zachagan kentindegi «Revýnok» kafesi artyndaǵy orman arasynan zorlyqpen óltirilgen 1970 jylǵy er adamnyń múrdesi tabyldy.

Jedel izdestirý sharalary barysynda osy qylmysqa kúdikti retinde Oral qalasynyń 1984 jáne 1977 jylǵy turǵyndary anyqtalyp, ustaldy.

Kúdiktiler ýaqytsha oqshaýlaý ızolıatoryna qamalyp, QR QK 106-baby 3-bóligine (qasaqana aýyr dene jaraqatyn keltirý) sáıkes qylmystyq is qozǵaldy.

Sol sekildi saǵat 01.42-de D.Karbyshev kóshesi boıyndaǵy úıdegi páterlerdiń birinen zorlyqpen óltirilgen 1978 jylǵy áıeldiń denesi tabyldy.

Bul qylmysqa kúdikti retinde 45 jastaǵy qala turǵyny qolǵa tústi.

Ol da ýaqytsha oqshaýlaý ızolıatoryna qamalyp, QR QK 99-baby 1-bóligine (adam óltirý) sáıkes tergeý amaldary júrgizilýde.

Eske sala keteıik, budan buryn Oralda shomylyp júrgen áıeldi katermen qaǵyp óltirgen kúdiktiniń ustalǵanyn jazǵan bolatynbyz.



Joǵary qaraı