Aýa raıy
Astana -24 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Oralda bir kúnde polıtseıge para bermek bolǵan eki júrgizýshi ustaldy

2020 jyldyń 21 qazan 2020 03:17

ORAL. QazAqparat – Oralda bir kúnde polıtseıge para bermek bolǵan eki júrgizýshi ustaldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 18 qazan kúni oryn aldy.

Saǵat 00.30-da 44 jastaǵy júrgizýshi «MAZ-5440» avtokóligimen Syrym Datuly kóshesimen kele jatyp, «El yrysy» bazary tusynda toqtaýǵa bolmaıtyn jerge aıaldaǵan. Sol jerde patrýldik polıtsııa batalony qyzmetkerleriniń qolyna túsken. Sodan keıin «Lada Largýs» qyzmettik kóliginde otyryp, ákimshilik hattama toltyrmaý úshin polıtsııa qyzmetkerine 2 myń teńge usynǵan.

Ekinshi oqıǵa M.Sholohov pen K.Tsıolkovskıı kósheleriniń qıylysynda boldy. Saǵat 10.55-te 63 jastaǵy júrgizýshi «Aýdı-80» avtokóligimen baǵdarshamnyń tyıym salynǵan belgisine qaramastan, ótip ketken. Ol da ákimshilik hattama toltyrmaý úshin 5 myń teńge bergen.

Qazirgi kezde eki oqıǵa boıynsha da QR QK 367-baby 1-bóligine (para berý) sáıkes sotqa deıingi tergeý amaldary júrgizilýde.


Joǵary qaraı