Aýa raıy
Astana 6 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Oralda demalys kúnderi saıajaıǵa baratyn avtobýstar júretin boldy

2020 jyldyń 7 tamyz 2020 19:26

ORAL. QazAqparat – Oralda demalys kúnderi saıajaıǵa baratyn avtobýstar júretin boldy, dep habarlaıdy QazAqparat tilshisi.

BQO bas memlekettik sanıtar dárigeri Muhamǵalı Aryspaevtyń 7 tamyzdaǵy qaýlysyna sáıkes shekteý sharalaryna birqatar ózgerister engizildi.

BQO taýarlar men kórsetiletin qyzmetterdiń sapasy men qaýipsizdigin baqylaý departamenti málim etkenindeı, budan buryn senbi, jeksenbi kúnderi qoǵamdyq kóliktiń jumysy toqtatylǵany belgili. Endi ózgeriske sáıkes 8, 9, 15, 16 tamyz kúnderi saıajaı baǵyttary boıynsha qyzmet kórsetetin qoǵamdyq kólikter saǵat 07.00-den 10.00-ge deıin, saǵat 17.00-den 20.00-ge deıin qatynaı alady.

Sonymen qatar jeke avtokólikterdiń túngi saǵat 23.00-den 06.00-ge deıin júrip-turýyna tyıym salynǵany belgili. Degenmen dáleldi sebeptermen saǵat 23.00-den 06.00-ge deıin avtokólikpen júrip-turý qajet bolǵan jaǵdaıda http://www.STOPCOVID.KZ. saıtyna tirkelý nemese «109» telefony boıynsha ótinim qaldyrý qajet.

Eske sala keteıik, Batys Qazaqstan oblysynda 3 tamyzda shekteý sharalary uzartylǵan bolatyn.




Joǵary qaraı