Aýa raıy
Astana 6 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Oralda eki jeńil kólik túıisip, 4 adam jaraqat aldy

2020 jyldyń 27 qyrkúıek 2020 18:35

ORAL. QazAqparat – Oral qalasynda eki jeńil kólik túıisip, 4 adam jaraqat aldy, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkenindeı, oqıǵa búgin Gastello men Lımannaıa kósheleriniń qıylysynda boldy.

Saǵat 10.40-ta jedel járdemge qońyraý shalyndy.

Apat saldarynan úsh eresek adam, bir bala zardap shekti.

Sonyń ishinde eki adamnyń jaǵdaıy aýyr. Jasy 24-terdegi áıel jabyq-bas mı jáne ishinen jaraqat alyp, mıy shaıqalǵan. Keýde tusy kógergen. 1989 jylǵy er adam jabyq bas-mı jaraqatyn alyp, mıy shaıqalǵan, keýde tusy kógergen. Oǵan qosa oń jambasy synǵan. Bulardyń ekeýi de oblystyq kópbeıindi aýrýhananyń hırýrgııa bólimshesine jatqyzyldy.

Segiz jasar bala jabyq bas-mı jaraqaty, mıdyń shaıqalýyna qosa oń buǵanasy kógergen. Ol aldymen anasymen birge oblystyq aýrýhanaǵa, keıin apasymen oblystyq balalar aýrýhanasyna jetkizildi.

29 jastaǵy júkti áıel de jabyq bas-mı jaraqatyn alyp, mıy shaıqalǵan. Júktiliktiń úzilý qaýpi bar. Travmatolog, neırohırýrg qaraǵannan keıin ÝZI taǵaıyndaldy jáne gınekologtan keńes alatyn bolady.

Qazirgi kezde oqıǵanyń jaı-japsary anyqtalý ústinde.

Eske sala keteıik, budan buryn BQO trassasynda 1 adam qaza taýyp, 4-eýi jaraqat alǵanyn jazǵan bolatynbyz.



Avtor Eljan Eraly
Basty sózder: Kólik, Oqıǵa, Batys Qazaqstan oblysy,
Joǵary qaraı