Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Oralda gaz mekemesiniń 7 qyzmetkerinen koronavırýs anyqtaldy

2021 jyldyń 2 naýryz 2021 13:38

ORAL. QazAqparat – «Intergaz Ortalyq Azııa» AQ «Oral» magıstraldy gaz qubyrlary basqarmasynyń 7 qyzmetkerinen koronavırýs anyqtaldy, dep habarlaıdy QazAqparat tilshisi.

Oral qalasy sanıtarlyq-epıdemıologııalyq baqylaý basqarmasy basshysy orynbasarynyń qaýlysyna sáıkes ofıste dezınfektsııa jumystary júrgizilip, mamandar qashyqtan jumys jasaýǵa jiberildi.

BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, indet tabylǵan adamdarmen qarym-qatynasta bolǵandar úı karantıninde oqshaýlanyp, medıtsınalyq baqylaýǵa alyndy.

«Kúni búgin oblys boıynsha 1 mektep karantınde. Oǵan qosa 24 mektepte 64 synyp ınkýbatsııalyq kezeń aıaqtalǵanǵa deıin qashyqtan oqýdy jalǵastyrady. Mektepke deıingi mekemeler boıynsha bes balabaqshanyń 5 toby karantınge jabyldy, sonyń tórteýi Oral qalasynda», dep habarlady departamenttiń baspasóz qyzmeti.

Eske sala keteıik, budan buryn Batys Qazaqstan oblysynda shekteý sharalary jeńildegenin jazǵan bolatynbyz.




Joǵary qaraı