Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oralda káriz-sorǵy stansasyndaǵy apat saldarynan shaǵynaýdandar sýsyz qaldy

2021 jyldyń 16 maýsym 2021 13:40

ORAL. QazAqparat – Oralda káriz-sorǵy stansasyndaǵy apat saldarynan birneshe shaǵynaýdan sýsyz qaldy, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, 16 maýsym kúni saǵat 02.00-de Derkól kentindegi №19A káriz-sorǵy stansasynda nasos jabdyǵy isten shyqty.

Saǵat 03.00-den bastap Jańa orda, Astana, Qadyr Myrza Álı shaǵynaýdandaryna sý berý ýaqytsha toqtatyldy.

Qazirgi kezde «Batys sý arnasy» JShS (6 qyzmetker, 3 tehnıka) jóndeý-qalpyna keltirý jumystaryn júrgizýde.

Oral qalasy ákimdigi qalpyna keltirý jumystarymen qatar assenızatorlyq mashınalardyń kómegimen №17A, №18A káriz-sorǵy stansalarynda aǵyn sýlar sorylyp jatqanyn jetkizdi.

Sýsyz qalǵan 9-shaǵynaýdan (Jańa orda), 7-shaǵynaýdan (Astana) jáne 5-shaǵynaýdanǵa (Qadyr Myrza Álı) sýdy tasymaldaý uıymdastyryldy.

Eske sala keteıik, budan buryn Oralda bir kúnde eki saýda úıinde órt shyqqanyn jazǵan edik.




Avtor Eljan Eraly
Basty sózder: Batys Qazaqstan oblysy, Oqıǵa, Qoǵam,
Joǵary qaraı