Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oralda kólik qaǵyp ketken 19 jastaǵy jigit kóz jumdy

2021 jyldyń 24 qarasha 2021 19:52

ORAL. QazAqparat – Oral qalasynda avtokólik qaǵyp ketken 19 jastaǵy jigit kóz jumdy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 24 qarasha kúni shamamen saǵat 11.15-te S.Tıýlenın kóshesinde boldy.

«GAZel» avtokóliginiń 51 jastaǵy júrgizýshisi belgilenbegen jerden joldan ótip bara jatqan 2002 jylǵy jaıaý júrginshini qaǵyp ketti. Sonyń saldarynan jas jigit oqıǵa ornynda qaıtys boldy.

Qazirgi kezde oqıǵanyń jaı-japsary anyqtalý ústinde.

QR QK 345-babyna sáıkes sotqa deıingi tergeý amaldary júrgizilýde.

Eske sala keteıik, budan buryn Qazaqstanda temir joldan belgilenbegen jerden ótkeni úshin 23 myńnan astam adamnyń jaýapkershilikke tartylǵanyn jazǵan bolatynbyz.




Avtor Eljan Eraly
Basty sózder: Kólik, Oqıǵa, Batys Qazaqstan oblysy,
Joǵary qaraı