Aýa raıy
Astana 9 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Oralda mas júrgizýshi kóligimen áıeldi qaǵyp ketti

2020 jyldyń 30 shilde 2020 22:25

ORAL. QazAqparat – Oralda júrgizýshi mas kúıinde áıeldi kóligimen qaǵyp ketti, dep habarlaıdy QazAqparat tilshisi.

Batys Qazaqstan oblytyq Polıtsııa departamentiniń baspasóz qyzmetinen túsken málimetke qaraǵanda, oqıǵa 29 shilde kúni shamamen saǵat 18.30-da boldy.

Aıtalıev kóshesi boıynda «Bereke» AQ tusynda 1980 jylǵy júrgizýshi «Mitsubishi Carisma» avtokóligimen jol janynda júrip bara jatqan áıeldi qaqqan. Sodan keıin temirjol ótkeli aldynda toqtap turǵan, 1985 jylǵy júrgizýshi aıdaǵan «Lexus RX-300» avtokóligine soǵylǵan.

Jol apaty saldarynan jaıaý júrginshi sol jerde jan tapsyrdy.

Orta dárejeli mas kúıinde bolǵan «Mitsubishi Carisma» avtokóliginiń júrgizýshisi oqıǵa ornynan boı tasalaǵan.

Atalǵan derek boıynsha QR QK 345-baby 3-bóligi (abaısyzda adam ólimine ákep soqqan jol júrisi erejesin buzý) jáne 347-babyna (jol-kólik oqıǵasy bolǵan jerden ketip qalý) sáıkes qylmystyq is qozǵalyp, tergeý amaldary júrgizilýde.

Eske sala keteıik, budan buryn BQO-da áıeli men eki qyzyn óltirgen turǵynnyń ómir boıyna bas bostandyǵynan aıyrylǵanyn jazǵan bolatynbyz.


Avtor Eljan Eraly
Basty sózder: Oqıǵa, Kólik, Batys Qazaqstan oblysy,
Joǵary qaraı