Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oralda pankratıonnan Qazaqstan kýbogynyń jeńimpazdary anyqtaldy

2021 jyldyń 20 qyrkúıek 2021 12:27

ORAL. QazAqparat – Oralda pankratıonnan kadetter, jasóspirimder, jastar jáne eresekter arasynda Qazaqstan kýbogynyń jeńimpazdary anyqtaldy, dep habarlaıdy QazAqparat tilshisi.

Aralas jekpe-jek pen pankratıonnan BQO quramasynyń aǵa jattyqtyrýshysy Serik Qartabaevtyń aıtýynsha, dodaǵa Qazaqstannyń Jambyldan basqa oblystarynan, Nur-Sultan, Almaty, Shymkent qalalarynan 300-den astam sportshy qatysyp, baq synady.

Fınaldyq saıystar Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń sport zalynda ótti.

Qurmetti qonaqtar retinde UFC jaýyngerleri Jalǵas Jumaǵulov pen Sergeı Morozov qatysty.

Jarys qorytyndysynda Mańǵystaý oblysynyń komandasy jeńimpaz atandy. Batysqazaqstandyqtar ekinshi, shyǵysqazaqstandyqtar úshinshi orynǵa kóterildi.

«Jeńimpazdardan Qazaqstan quramasy jasaqtalyp, álem chempıonatyna daıyndalatyn bolady», dedi QazAqparat tilshisine S.Qartabaev.
































Avtor Eljan Eraly
Basty sózder: Sport, Batys Qazaqstan oblysy,
Joǵary qaraı