Aýa raıy
Astana 3 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Oralda polıtsııa qyzmetkeri 0,5 mln teńge para alý ústinde qolǵa tústi

2020 jyldyń 28 shilde 2020 21:52

ORAL. QazAqparat – Oral qalasynda para alǵan polıtsııa qyzmetkeri ustaldy, dep habarlaıdy QazAqparat tilshisi.

BQO polıtsııa departamentiniń ózindik qaýipsizdik basqarmasy qyzmetkerleri QR UQK BQO boıynsha departamentimen birlese otyryp, kóshi-qon qyzmeti basqarmasy qyzmetkerin para alý ústinde qolǵa túsirdi.

BQO polıtsııa departamentiniń baspasóz qyzmetinen túsken málimetke qaraǵanda, atalǵan derek boıynsha QR QK 366-babyna (para alý) sáıkes sotqa deıingi tergeý amaldary júrgizilýde.

Kúdikti Oral qalasy polıtsııa basqarmasynyń ýaqytsha oqshaýlaý ızolıatoryna qamaldy.

BQO prokýratýrasy baspasóz qyzmetiniń naqtylaýynsha, polıtsııa qyzmetkeri 500 myń teńge para alý ústinde ustalǵan.

Sot qaýlysymen QR Qylmystyq is júrgizý kodeksi 139-babyna sáıkes kúdikti 10 kún merzimge qamaýǵa alyndy.

Qazirgi kezde tergeý jalǵasýda, tıisti saraptamalar taǵaıyndaldy.

Eske sala keteıik, budan buryn Batys Qazaqstanda er adamnyń myltyq atyp, úsh aýyldasyn jaraqattaǵanyn jazǵan bolatynbyz.


Joǵary qaraı