Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Oralda tanys qyzyn úıine shaqyrǵan jigit 1 mln teńge turatyn dúnıesinen aıyryldy

2021 jyldyń 20 qańtar 2021 14:20

ORAL. QazAqparat – Oralda kóńil kótermekshi bolǵan 27 jastaǵy turǵyndy bireýler uryp-soǵyp, tonap ketti, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, jigit kóńil kóterý oryndarynyń birinde tanysqan qyzdy úıine shaqyrady.

Іle-shala qyzben tanys eki er adam keledi. Múmkindikti qur jibermegen qyz esikti ashady.

Kúdiktiler jábirlenýshige dene jaraqattaryn keltirip, onyń 1 mln teńge turatyn noýtbýk, telefony men altyn buıymdaryn jymqyryp ketedi.

Qyzdyń aty-jónin ǵana bilgen polıtsııa qyzmetkerleri qylmysqa qatysy bar adamdardyń bárin anyqtady. Olar Atyraý oblysynyń turǵyndary bolyp shyqty.

Atyraýǵa dereý jol tartqan polıtseıler úsh kúdiktini jalǵa alǵan páterinde jasyrynyp otyrǵan jerinen qolǵa túsirdi.

Qazirgi kezde osy oqıǵa boıynsha tergeý amaldary júrgizilýde.


Avtor Eljan Eraly
Basty sózder: Oqıǵa, Batys Qazaqstan oblysy,
Joǵary qaraı