Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Oralda tergeý ızolıatorynyń qyzmetkeri eki adamdy órtten qutqardy

2021 jyldyń 22 qańtar 2021 23:35

ORAL. QazAqparat – Oralda tergeý ızolıatorynyń qyzmetkeri Abylaı Tóleev eki adamdy órtten qutqardy, dep habarlaıdy QazAqparat tilshisi.

BQO qylmystyq-atqarý júıesi departamentiniń baspasóz qyzmeti málim etkenindeı, Oral qalasy tergeý ızolıatorynyń qyzmetkeri A.Tóleev 21 qańtarda Muhıt kóshesindegi 134-úıdiń janynan ótip bara jatyp, besinshi qabattan tútin shyǵyp jatqan kórgen.

Іshten aıqaıdy estigen ol birden kómekke umtyldy. Kórshilermen birge páterdiń esigin buzyp kirdi. Qalyń tútinge qaramastan, qaımyqpaı kirgen A.Tóleev 35 jáne 40 jastaǵy eki er adamdy alyp shyqty.




Kelip jetken jedel járdem brıgadasy A.Tóleevti gazdan ýlanǵan dep taýyp, aýrýhanaǵa jetkizdi.

Atalǵan úıdiń turǵyndary ómirine qaýip tóngenine qaramastan, erlik jasaǵan jas jigitti áleýmettik jeli arqyly izdep, tapqan.

Turǵyndar M.Qýanova, O.Pıterskaıa, ıA.ıAshkova, G.Ydyrysova, N.Kırılına, A.Jandalı, V.Keshelnıak BQO qylmystyq-atqarý júıesi departamentiniń bastyǵy Azamat Іzteleýovtiń atyna alǵys aıtqan hat jazyp, A.Tóleevti marapattaýdy ótingen.

Qazirgi kezde Abylaı Tóleev aýrýhanada emdelip jatyr.

Eske sala keteıik, budan buryn Oralda turǵyn úıdegi órtten 38 adamnyń qaýipsiz jerge shyǵarylǵanyn jazǵan bolatynbyz.









Avtor Eljan Eraly
Basty sózder: Batys Qazaqstan oblysy, Oqıǵa,
Joǵary qaraı