Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Oralda túngi klýbta demalǵandar ájethanaǵa tyǵyldy

2020 jyldyń 22 qarasha 2020 19:48

ORAL. QazAqparat – Oralda polıtsııa qyzmetkerleri monıtorıngtik top múshelerimen birge túngi klýbta kóp adamnyń demalyp jatqandyǵyn anyqtady, dep habarlaıdy QazAqparat tilshisi.

BQO Polıtsııa departamentiniń baspasóz qyzmeti málim etkenindeı, indettiń óse túskenine jáne shekteý sharalaryna qaramastan, keıbir kóńil kóterý oryndary karantındik talapty buzýdy toqtatar emes.

Osyndaı oqıǵanyń biri 20 qarasha kúni «Palladıým» saýda úıinde oryn tepken «FSB» túngi klýbynda boldy. Beınejazbada kórsetilgenindeı, saǵat 22.42-den keıin de munda kóp adamnyń kóńil kóterip júrgeni áshkerelendi.

Jaýapkershilikten qashpaq bolǵan keıbir kelýshiler tipti ájethanaǵa tyǵyldy. Sonyń ishinde bireýi ájethana ishinde qabyrǵadaǵy tesikke jasyrynyp, ózin taqtaımen jappaq bolǵanymen, tártip saqshylarynan qutyla almady.

«Túngi klýbta bolǵan 80-nen astam adamnyń bárine ákimshilik hattama toltyryldy. Sondaı-aq nysannyń ıesine qatysty QR Ákimshilik quqyqbuzýshylyq kodeksi 425-babyna sáıkes hattama túzildi», dep habarlady departamenttiń baspasóz qyzmeti.

Eske sala keteıik, budan buryn Batys Qazaqstanda sanıtarlyq postar alynatynyn jazǵan bolatynbyz.


Joǵary qaraı