Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Oralda turǵyn úı órtenip, 2 gaz ballony jaryldy

2021 jyldyń 5 naýryz 2021 22:28

ORAL. QazAqparat – Oralda turǵyn úı órtenip, 2 gaz ballony jaryldy, dep habarlaıdy QazAqparat tilshisi.

BQO TJ departamenti memlekettik órt baqylaý basqarmasynyń bastyǵy, azamattyq qorǵaý maıory Mereke Jumaǵalıevtiń aıtýynsha, oqıǵa 5 naýryz kúni 2-saıajaı aýmaǵynda boldy.

Saǵat 13.39-da «Nıkel» baý-baqsha seriktestigindegi turǵyn úıdiń janyp jatqany jóninde habar tústi.

Alǵashqy órt sóndirý bólimi kelgennen keıin aýmaǵy 120 sharshy metr úıdiń otqa oranǵany anyqtaldy.

Sondaı-aq órt sóndirýshiler kelgenge deıin 2 gaz ballony jarylyp, úıdiń qabyrǵalary qulaǵany belgili boldy.

Qaza bolǵandar men jaraqat alǵandar joq.

«Tilsiz jaýdy» aýyzdyqtaýǵa 7 adam 3 tehnıkamen jumyldyrylyp, órt 18.00-de sóndirildi.

«Órttiń shyǵý sebebi – turmystyq gaz qurylǵylaryn paıdalaný kezinde órt qaýipsizdigi talaptarynyń buzylýy. Oblysta júrgizilip jatqan is-sharalarǵa qaramastan, turǵyndardyń osy talaptardy saqtamaýy jáne salǵyrttyǵy saldarynan órt pen jarylys sany (2020 jyly – 4 oqıǵa) azaımaı otyr. TJ departamenti turmystyq gaz quraldaryn qoldaný kezinde abaı bolý kerektigin taǵy da eske salady. Tótenshe jaǵdaı oryn alsa, dereý 101, 112 (gaz qyzmeti – 104) telefondaryna qońyraý shalý qajet», dedi M.Jumaǵalıev.

Eske sala keteıik, budan buryn BQO trassasynda júk kóliginiń tirkemesi janyp ketkenin jazǵan bolatynbyz.








Joǵary qaraı