Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oralda Ulttyq ulan jaýyngerleri jol apatyna ushyraǵan úsh áıelge qolushyn berdi

2021 jyldyń 20 qyrkúıek 2021 00:12

ORAL. QazAqparat – Oralda Ulttyq ulan jaýyngerleri jol apatyna ushyraǵan úsh áıelge qolushyn berdi, dep habarlaıdy QazAqparat tilshisi.

QR Ulttyq ulany «Batys» óńirlik qolbasshylyǵy baspasóz qyzmetiniń jetekshisi Erbolat Sultanovtyń málim etkenindeı, oqıǵa 19 qyrkúıek kúni shamamen saǵat 14.15-te 2 saıajaı mańynda Terekti aýdany Podstepnyı aýylyna qaraı shyǵatyn jolda boldy.

«VAZ 2106» avtokóliginiń júrgizýshisi jaıaý júrginshi ótkelinde turǵan «GAZel» avtokóliginiń artynan kelip soǵylǵan. Sol mańda qyzmette júrgen áskerı bólim shtaby bastyǵynyń aǵa kómekshisi, kapıtan Danııar Naýryzǵalıev, jaýyngerlik qamtamasyz etý rotasynyń komandıri, kapıtan Medet Muhtarov jáne medıtsına qyzmetkeri, sanıtarlyq nusqaýshy, efreıtor Abylaı Amangeldi osy oqıǵanyń kýágeri boldy.

Saqshylar oqıǵa týraly jedel qyzmetke habarlap, zardap shekkenderge birinshi bolyp kómekke umtyldy. Jeńil kólikte úsh áıel otyrǵan. D.Naýryzǵalıev pen M.Muhtarov áýeli aldyńǵy oryndyqta qysylyp qalǵan egde áıeldi alyp shyqty. Sodan keıin taǵy ekeýiniń salonnan shyǵýyna kómektesip, A.Amangeldimen birge alǵashqy medıtsınalyq járdem kórsetti.

Ekinshi saıajaı turǵyny, oqıǵa kýágeri Jaınagúl Muratqyzy Ulttyq ulan jaýyngerlerine alǵysyn bildirdi.





Ulandyqtar óz is-qımyldaryn batyldyq dep sanamaıdy. Olardyń pikirinshe, mundaı jaǵdaıda ár adam zardap shekkenderge qolushyn berýi tıis. Adam ómirine qaýip tóngendikten, tez áreket etip, qutqarý kerek boldy.





Eske sala keteıik, budan buryn Oralda avtobýs pen jeńil kólik soqtyǵysyp, 45 jastaǵy áıeldiń aýrýhanaǵa túskenin jazǵan bolatynbyz.








Joǵary qaraı