Aýa raıy
Astana 16 °S
Almaty 28 °S
valıýta baǵamy
USD 412.55
EUR 468.66
RUB 5.79
CNY 58.80

Oralda jádel járdem kóligi jol apatyna ushyrap, 4 adam zardap shekti

2019 jyldyń 12 qarasha 2019 14:23

ORAL. QazAqparat – Oralda jádel járdem kóligi jeńil kólikpen túıisip, tórt adam zardap shekti, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen túsken málimetke qaraǵanda, oqıǵa11 qarasha kúni saǵat 22.30 shamasynda Kókshetaý men Mahambet aqyn kósheleriniń qıylysynda boldy.

Kókshetaý kóshesimen «GAZ-27527» avtokóligin (jedel járdem) aıdap kele jatqan 1984 jylǵy júrgizýshi «Lada Grantaǵa» jol bermeı, soqtyǵysqan.

Sonyń saldarynan jedel járdem kóligi aýdarylyp, birneshe adam zardap shekti.

«Lada Granta» avtokóliginiń 28 jastaǵy júrgizýshisi jáne jedel járdem kóliginde bolǵan feldsher men meıirger jaraqat pýnktine jetkizildi.

Sondaı-aq jol belgisi men elektr baǵanyna zaqym keldi.

Jol-kólik oqıǵasyna kináli júrgizýshi ákimshilik jaýapkershilikke tartylatyn bolady.

Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, jedel járdem kóligi jaryq belgilerin qosyp, shaqyrtýǵa bara jatqan.

Oqıǵa ornynan qos avtokóliktiń júrgizýshisine qosa 1995 jáne 1998 jylǵy feldsherler qalalyq kópbeıindi aýrýhanaǵa jetkizildi. Dárigerler qaraǵannan keıin olardyń basynyń jumsaq eti, moıyn bóligi jáne tizeleri kógergeni anyqtaldy. Bári de ambýlatorlyq baqylaýǵa jiberildi.

Avtor Eljan Eraly
Basty sózder: Batys Qazaqstan oblysy, Oqıǵa,
Joǵary qaraı