Aýa raıy
Astana 22 °S
Almaty 22 °S
valıýta baǵamy
USD 412.55
EUR 468.66
RUB 5.79
CNY 58.80

Oralda jańa kópir paıdalanýǵa berildi

2020 jyldyń 2 tamyz 2020 17:41

ORAL. QazAqparat – Oralda «Omega» zaýyty aýdanyndaǵy kópir paıdalanýǵa berildi, dep habarlaıdy QazAqparat tilshisi.

Kópirdiń ashylý rásimine qatysqan oblys ákimi Ǵalı Esqalıev Qurban aıt meıramyna oraı iske qosylǵan nysannyń qala turǵyndary úshin mańyzdylyǵyn atap kórsetti.




1978 jyly salynǵan kópir sodan beri kúrdeli jóndeýden ótpegen bolatyn.

«Muny jańa kópir deýge bolady. Merdigerlerdiń sózine qaraǵanda, keminde elý jylǵa, tipti odan da kóp merzimge shydaıdy. Kópirdiń 85 paıyzy jergilikti qazaqstandyq úles esebinen turǵyzyldy. Aqtóbe, Oral, Qaraǵandy jáne basqa qalalardan ákelingen qurylys materıaldary paıdalanyldy. Jergilikti kásiporyndar da jumys istedi. Qysqasy, barlyq otandyq óndirýshilerge kiris kózi tabyldy. Taǵy bir atap ótetin jaıt, kópir jóndelip jatqan kezde Derkól, Selektsıonnyı, Omega aýdanynda turatyn turǵyndar (120 myńdaı adam) qalaǵa №7 baǵyttaǵy avtobýspen 1 saǵat 20 mınýtta jetetin edi. Qazir buǵan 25 mınýt ketedi. Sondaı-aq koronavırýs indetimen kúres kezinde jedel járdem kólikteri de naýqastardy aýrýhanalarǵa anaǵurlym tez jetkize alady», - dedi óńir basshysy.




Arqalyqtardy salý, asfalt tóseý jumystarynda jańa tehnologııalar qoldanyldy.

Eske sala keteıik, budan buryn Oralda jańa kópirde salynyp jatqan jıektastyń talapqa saı kelmeıtinin jazǵan bolatynbyz.




Sýretterdi túsirgen Rafhat Halelov


Avtor Eljan Eraly
Basty sózder: Qurylys, Batys Qazaqstan oblysy,
Joǵary qaraı