Aýa raıy
Astana -11 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Oralda jastar tóbelesip, bir adamǵa oq tıdi

2020 jyldyń 21 qazan 2020 12:41

ORAL. QazAqparat – Oralda jastar top bolyp tóbelesip, oq tıgen bireýi jansaqtaý bóliminde jatyr, dep habarlaıdy QazAqparat tilshisi.

BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa keshe keshkisin M.Sholohov kóshesi boıyndaǵy «Venoıl» janar-jaǵar maı quıý stansasy aýmaǵynda oryn aldy.

Keshe saǵat 22.10-da habarlama túsken boıda oqıǵa ornyna taıaý mańdaǵy polıtsııa toby dereý jiberildi.

Jedel izdestirý sharalary barysynda tóbeleske jıyrma shaqty adamnyń qatysqany anyqtaldy.

Oqıǵaǵa qatysy bar jastar ustalyp, olardy ýaqytsha oqshaýlaý ızolıatoryna qamaý máselesi sheshilýde. Qalǵan ekeýi izdestirilýde.

Qazirgi kezde oqıǵanyń mán-jaıy anyqtalyp jatyr.

QR QK 293-baby 3-bóligine (buzaqylyq) sáıkes qylmystyq is qozǵalyp, tergeý amaldary júrgizilýde.

BQO densaýlyq saqtaý basqarmasy baspasóz qyzmetiniń naqtylaýynsha, jedel járdemge saǵat 22.40-ta qońyraý shalynǵan.

Oq jaraqatyn alǵan 24 jastaǵy er adam oblystyq kópbeıindi aýrýhananyń hırýrgııalyq bólimshesine jatqyzyldy. Osynda onyń ish qýysyna ota jasaldy. Jigittiń kóptegen ishki organdary: baýyry, talaǵy, toq jáne tik ishegi, keýde tusy zaqymdanyp, qabyrǵalary synǵany belgili boldy. Qazir emdelýshi jansaqtaý bóliminde jatyr.

Eske sala keteıik, budan buryn Oralda bir kúnde polıtseıge para bermek bolǵan eki júrgizýshiniń ustalǵanyn jazǵan bolatynbyz.




Avtor Eljan Eraly
Basty sózder: Batys Qazaqstan oblysy, Oqıǵa,
Joǵary qaraı