Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oralda júrgizýshi velosıped mingen er adamdy qaǵyp, qashyp ketken

2021 jyldyń 21 qyrkúıek 2021 13:01

ORAL. QazAqparat – Oralda júrgizýshi avtokóligimen velosıped mingen er adamdy qaǵyp, qashyp ketken, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 21 qyrkúıek kúni shamamen saǵat 10.10-da M.Sholohov kóshesi boıynda boldy.

Belgisiz júrgizýshi velosıpedshini qaǵyp, oqıǵa ornynan boı tasalaǵan.

Polıtsııa qyzmetkerleri jedel izdestirý is-sharalary barysynda bir saǵatqa jetpeıtin ýaqyt ishinde júrgizýshini anyqtap, qolǵa túsirdi. Ol «GAZel» avtokóliginiń 26 jastaǵy júrgizýshisi bolyp shyqty.

Qazirgi kezde osy oqıǵaǵa baılanysty qylmystyq is qozǵalyp, sotqa deıingi tergeý amaldary júrgizilýde.

BQO densaýlyq saqtaý basqarmasy baspasóz qyzmetiniń naqtylaýynsha, jol apaty saldarynan azııat pishindes 40 jastaǵy er adam ashyq bas-mı jaraqatyn aldy. Mıy zaqymdanyp, bas súıegi synǵan. Es-tússiz kúıinde oblystyq kópbeıindi aýrýhanaǵa jetkizildi. Jaǵdaıy óte aýyr, ota jasalady dep josparlanýda.

Eske sala keteıik, budan buryn Oralda shuǵyl shaqyrtýǵa bara jatqan jedel járdem kóligi aýdarylǵanyn jazǵan bolatynbyz.

BQO polıtsııa departamentiniń baspasóz qyzmeti bul oqıǵaǵa oraı jedel járdem júrgizýshisine qatysty QR Ákimshilik quqyqbuzýshylyq kodeksi 610-babyna sáıkes hattama toltyrylǵanyn jetkizdi.



Joǵary qaraı