Aýa raıy
Astana -10 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Oraldyq kommýnıster AEK kólemin toqsan saıyn ózgertýdi usyndy

2020 jyldyń 23 qazan 2020 16:46

ORAL. QazAqparat – Oraldyq kommýnıster áleýmettik suranysty eskere otyryp, AEK kólemin toqsan saıyn ózgertýdi usyndy, dep habarlaıdy QazAqparat tilshisi.

Qazaqstan kommýnıstik halyq partııasy BQO fılıalynda onlaın túrinde ótken dóńgelek ústel otyrysyna partııa múshelerimen qatar jastar, múmkindigi shekteýli jandar, az qamtylǵan jáne kóp balaly otbasylar ókilderi qatysty.

Jıyn barysynda AEK kólemin jylyna bir ret emes, toqsan saıyn qaıta qarap, ózgertý týraly oı-pikirler aıtyldy. Bul rette ınflıatsııany da eskerý qajet.

Qazaqstan kommýnıstik halyq partııasy oblystyq komıtetiniń birinshi hatshysy Súıinǵalı ıArlygasımovtyń málim etkenindeı, qazirgi kezde baǵa da ósýde, indetke baılanysty karantındik shekteý sharalary engizilgeni belgili.

Qazaqstan kommýnıstik halyq partııasy áleýmettik jaǵynan az qamtylǵan turǵyndar múddesin qorǵaıtyndyqtan, AEK kólemin toqsan saıyn naqtylaý qajettigi ortaǵa salyndy. Az qamtylǵan otbasylarǵa ataýly áleýmettik kómek, múgedekterge, áıelderge dekrettik kezeńde, bala týý men onyń kútimimen otyrǵan kezde járdemaqy tóleý osy AEK-ke baılanysty. Bıyl halyqtyń suranys-ótinishine oraı AEK ádettegideı qańtarda jáne tótenshe jaǵdaıdyń engizilýine oraı sáýirde ózgertildi.

«Elge indettiń ekinshi tolqyny keledi dep boljanýda. Osyndaı kezde turǵyndardy qoldaý qajet-aq. Sondyqtan biz usynystarymyzdy ortalyq komıtetke jiberemiz. Sodan keıin Parlamenttegi Qazaqstan kommýnıstik halyq partııasynyń músheleri Úkimetke saýal joldap, máseleniń sheshilýine kúsh salatyn bolady», dedi S.ıArlygasımov.


Avtor Eljan Eraly
Basty sózder: Ekonomıka, Batys Qazaqstan oblysy,
Joǵary qaraı