Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Oraldyq turǵynnan 128 myń teńgeniń dári-dármegi tárkilendi

2020 jyldyń 3 tamyz 2020 12:23

ORAL. QazAqparat – Batys Qazaqstan oblysynda dárilik zattardy zańsyz ótkizý derekterin anyqtaý jalǵasýda, dep habarlaıdy QazAqparat tilshisi.

BQO boıynsha ekonomıkalyq tergeý departamentinen túsken málimetke qaraǵanda, jedel izdestirý sharalary barysynda osyndaı eki derek belgili boldy.

Oral qalasynyń turǵyny dári-dármekterdi Qazaqstan Respýblıkasynyń ýákiletti organynyń ruqsatynsyz satqan. Odan jalpy quny 128 myń teńgeni quraıtyn tseftrıakson jáne ledokaın dárileri tabylyp, tárkilendi.

Sol sekildi qaladaǵy dárihanalardyń biri ınflıýtsıd preparatynyń oramyn 3 500 teńgeden (belgilengen baǵa – 2 571 teńge) ótkizgen. Bul QR Densaýlyq saqtaý mınıstrliginiń 2019 jylǵy 15 shildedegi «Dárilik zattyń bólshek saýdada jáne kóterme saýdada satylatyn taýarlyq ataýynyń shekti baǵalaryn bekitý týraly» buıryǵyna qaıshy keledi.

Zań buzǵandardy ákimshilik jaýapkershilikke tartý úshin materıaldar BQO taýarlar men qyzmetterdiń sapasy men qaýipsizdigin baqylaý departamentine jiberildi.

Eske sala keteıik, budan buryn Batys Qazaqstan oblysynda shekteý sharalary uzartylǵanyn jazǵan bolatynbyz.



Joǵary qaraı