Aýa raıy
Astana -3 °S
Almaty 1 °S
valıýta baǵamy
USD 389.75
EUR 434.26
RUB 6.12
CNY 55.05

Ordabasy aýdanyna gaz tartyldy - Túrkistan oblysy

2019 jyldyń 17 qyrkúıek 2019 02:16

ORDABASY. QazAqparat – Túrkistan oblysyndaǵy Ordabasy aýdanynyń 55 jyldyǵy aıasynda aýdan ortalyǵy Temirlanda gaz júıesi iske qosyldy, dep habarlaıdy QazAqparat Óńirlik kommýnıkatsııalar qyzmetine silteme jasap.

Ordabasy aýdanynyń ákimi Álipbek Sháripbekuly temirlandyqtardy qýanyshymen quttyqtap, aldaǵy ýaqytta aýdan tolyǵymen gazben qamtamasyz etiletinin aıtty.

Aýdandyq, Qajymuqan aýyldyq ardagerler keńesteriniń tóraǵalary T.Ábdiqaıymuly men І.Júsip gaz júıesin kirgizýge atsalysqan azamattarǵa rızashylyqtaryn jetkizdi. Budan soń aýdan basshysy Jaqsylyq Ergeshovtiń otbasynda bolyp, gazdy jaǵyp kórdi.

Búginge deıin kógildir otyndy aýdan halqynyń 8,2 paıyzy ǵana tutynyp kelgen. 5 eldi mekenniń turǵyndary, atap aıtsaq: Qaınar, Yntymaq, Uıalyjar, Tespe, Yqylastemir eldi mekenderi jáne Badam aýylynyń bir bóligi kásipkerler esebinen tabıǵı gazben qamtylǵan bolatyn. Endi temirlandyqtardyń kókeıindegi eń kúrmeýli másele sheshimin taýyp, gaz qubyry paıdalanýǵa berildi.

Temirlan aýylynda 4722 abonent tabıǵı gaz qubyryna qosylýǵa múmkindik aldy. Bul aýdan turǵyndarynyń 18,5 paıyzy. Qajymuqan aýyly tabıǵı gaz júıesiniń qurlys-montaj jumystaryna 2019 jylǵa oblystyq bıýdjetten 100 mln. teńge qaralyp, qazirgi tańda 10,5 shaqyrym gaz qubyry ornatylǵan.
2023 jylǵa deıin Ordabasy aýdanyn 100 paıyz kógildir otynmen qamtamasyz etýge tıisti jumystar atqarylýda.


Basty sózder: Energetıka, Túrkistan oblysy,
Joǵary qaraı