Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ordabasyda «ushaqtar dári shashyp jatyr» dep jalǵan habar taratqan jigit keshirim surady

2021 jyldyń 30 shilde 2021 22:15

ORDABASY. QazAqparat - Túrkistan oblysynda «Ushaqtar dári shashyp jatyr» dep jelide jalǵan aqparat taratqan er azamat anyqtaldy. Oǵan qatysty sotqa deıingi tergeý amaldary júrip jatyr, dep habarlaıdy QazAqparat.

WhatsApp jelisinde «AN-2» markaly ushaqtaryn túsirgen beınejazba men belgisiz er adamnyń «ushaqtar dári shashyp jatyr, soǵan baılanysty jınalamyz» dep aıtyp jatqan aýdıojazbasy taraǵan.

Bul beınejazba boıynsha Ordabasy aýdandyq polıtsııa bóliminiń polıtseıleri tıisti jumys júrgizdi.

Polıtseılerdiń anyqtaǵanyna qaraǵanda «AN-2» ushaqtary Ordabasy aýdany Qara aspan aýyldyq okrýginiń mańyna qonǵan.

Atalmysh ushaqtar Shymkent qalasynyń turǵyny, ıaǵnı JShS ıesine tıesili bolyp shyqty.

Ol ushaqtardy Qara aspan aýyldyq okrýginiń mańynan jalǵa alǵan egistik alqapqa tyńaıtqysh shashý úshin ákelgen.

Atalmysh kólikter kelesi jyldyń kóktemine deıin sol mańda turyp, egistikke paıdalanylady.

Jalǵan aqpar taratqan jigit te anyqtaldy.

Ol Qara aspan aýyldyq okrýginiń turǵyny bolyp shyqty.

Búgingi tańda Ordabasy APB polıtseıleri QR QK 274-baby boıynsha qylmystyq is qozǵady. Tergeý júrip jatyr.

Jigit óz kinásin tolyǵymen moıyndap, turǵyndardan keshirim surady.


Joǵary qaraı